- 歌词
- 专辑列表
- 歌手介绍
郭大诚
-
糊涂总铺师
作词:郭大诚 作曲:郭大诚
人人叫我是总舖师 上界出名世贤煮菜 料理好吃是盖全台 名声轰动是全世界
来来来 手拿菜刀 对这来 是因为那个漏脚才他子娶太太 才叫我这个糊涂ㄟ总舖师 要来办酒菜 熊供走入造脚内 酸醋拿来试看卖 气味搁不错 难怪查某人吃醋ㄟ时准 才会那么可爱 我ㄟ料理是奇奇假怪怪 有吃过ㄟ人都会知 呀那不吃过ㄟ人请恁试看卖 台先鸭蛋来卡破 卖煎鸭蛋参面线 鸭蛋下鼎是比波弹 白仁走四散 红仁才参头出来看 看看看 这出是腰子炒猪肝 猪肝着要炒厚烂烂 才不损害著阿婆ㄟ嘴齿岸
刹下去 这出著是红烧鱼五柳枝 酸醋加四两二 才ㄟ冻治疗XXX
搁来这出龙虾炒姑菜 凡是不够力ㄟ尪婿 吃料后才不免搁再惊太太
来哦~今呀日最重要ㄟ著是这出美国来ㄟ火鸡 这只火鸡 毛长著特别艳丽 我想说要来挽几支起来 送阮那个 呀不搁 这只火鸡真坏性地 我毛假蔡一支 伊加我豆一下 蔡二支 加我豆二下 我人气加伊修面剔嘴巴 呀这只美国火鸡实在有影不要X 毛都拔廖廖了 也敢逃亡到大街 害我追加喘XX 我按捺沿路追 伊按捺沿路走沿路飞 可比世界的运动会 说起来实在真笑亏 这只火鸡刹博落起臭沟啊底 我赶紧利用这个机会 加抓返来用洗衣机一直洗 奇怪啊 洗半点外钟久 气味仙洗就洗未退 人客客厅坐 等加供供要发性地 叫我赶紧出火鸡 我就阿奈干干脆脆三十六刀七十二块 快速驶艳火 做好才加捧出起请人客 嘿人客看着是美国火鸡 阿奈 大家相挤夹 踢踢咧归嘴配 踢了后才知影气味有问题 想说要吐出来 又搁惊歹势啊 只好目睭吉客客 大ㄟ加伊吞落起腹肚底 顺刹呃乐我这咧总舖师ㄟ好手艺 也会晓煮这乐美国来ㄟ火鸡
人人叫我是总舖师 上界出名世贤煮菜 料理好吃是盖全台 名声轰动是全世界
先生食著笑咳咳 小姐食著好体材 囝仔食著真可爱 不信请恁试看觅
-------------------------------------------
作词:郭大诚 作曲:郭大诚
《糊涂总铺师》Hôo-tôo Tsóng-phòo-sai 郭大诚 Kueh Tāi-sîng
人人叫我是总舖师 lâng-lâng kiò guá sī tsóng-phòo-sai 上盖出名是贤煮菜 siōng-kài tshut-miâ sī gâu tsú-tshài 料理好食是盖全台 liāu-lí hó-tsia̍h sī kài tsuân-Tâi 名声轰动是全世界 miâ-siann hong-tōng sī tsuân-sè-kài
↓↓(口白)---(口白)---(口白)↓↓ 来来来 lâi, lâi, lâi 手攑菜刀 tshiú gia̍h tshài-to 对遮来 tuì tsia lâi 是因为彼个躼跤才 sī in-uī hit-ê Lò-kha-Tsâi 怹囝娶太太 in kiánn tshuā thài-thài 才叫我这个 tsiah kiò guá tsit-ê 糊涂的总舖师 hôo-tôo ê tsóng-phòo-sai 欲来办酒菜 beh lâi pān tsiú-tshài
凶狂行入灶跤内 hiong-kông kiânn-ji̍p tsàu-kha lāi 酸醋提来试看觅 sng-tshòo the̍h-lâi tshì-khuànn-māi 气味阁袂䆀 khì-bī koh buē-bái 莫怪查某人 bo̍k-kuài tsa-bóo-lâng 食醋的时阵 tsia̍h-tshòo ê sî-tsūn 才会遐可爱 tsiah-ē hiah khó-ài
我的料理 guá ê liāu-lí 是奇奇佮怪怪 sī kî-kî kah kuài-kuài 有食过的人拢会知 ū tsia̍h--kuè ê lâng lóng ē tsai 啊若无食过的人 ah-nā bô tsia̍h--kuè ê lâng 请恁试看觅 tshiánn lín tshì-khuànn-māi
代先鸭卵来敲破 tāi-sing ah-nn̄g lâi khà-phuà 欲煎鸭卵掺面线 beh tsian ah-nn̄g tsham mī-suànn 鸭卵落鼎是哔噗弹 ah-nn̄g lo̍h-tiánn sī pi̍t-phok tuānn 白仁走四散 pe̍h-jîn tsáu sì-suànn 红仁才探头出来看 âng-jîn tsiah tham-thâu tshut-lâi khuànn
看看看 khuànn, khuànn, khuànn 这出是腰子炒猪肝 tsit tshut sī io-tsí tshá ti-kuann 猪肝著爱炒予烂烂 ti-kuann tio̍h-ài tshá hōo nuā-nuā 才袂损害著 tsiah buē sún-hāi tio̍h 阿婆的喙齿岸 a-pô ê tshuì-khí-huānn
绁落去这出 suà--lo̍h-khì tsit tshut 就是红烧鱼五柳枝 tiō-sī âng-sio-hî ngóo-liú-ki 酸醋加四两二 sng-tshòo ka sì-niú-jī 才会当治疗病相思 tsiah ē-tàng tī-liâu pīnn-siunn-si 更多更详尽歌词 在 ※ Mojim.com 魔镜歌词网
阁来这出 koh lâi tsit tshut 龙虾炒韭菜 lîng-hê tshá kú-tshài 凡是无够力的翁婿 huân-sī bô-kàu-la̍t ê ang-sài 食了后 tsia̍h liáu-āu 才毋免阁再惊太太 tsiah m̄-bián koh-tsài kiann thài-thài
来喔~ lâi--ooh~ 今仔日最重要的 kin-á-ji̍t tsuè tiōng-iàu--ê 就是这出 tsiū-sī tsit tshut 美国来的火鸡 Bí-kok lâi ê hué-ke
这只火鸡 tsit tsiah hué-ke 毛生做特别艳丽 moo senn tsò ti̍k-pia̍t iām-lê 我想讲 guá siūnn-kóng 欲共挽几枝仔起来 beh kā bán kuí ki-á khí-lâi 送阮彼个 sàng gún hit-ê
犹毋过 iáu-m̄-koh 这只火鸡 tsit tsiah hué-ke 诚歹性地 tsiânn pháinn-sìng-tē
我毛共掣一枝 guá moo kā tshuah tsi̍t-ki 伊共我啄一个 i kā guá tok tsi̍t-ê 掣两枝 tshuah nn̄g-ki 共我啄两个 kā guá tok nn̄g-ê
我人去共伊修面剃喙䫌 guá lâng khì kā-i siu-bīn thì tshuì-phé 啊这只美国火鸡 ah tsit tsiah Bí-kok hué-ke 实在有影袂晓衰 si̍t-tsāi ū-iánn bē-hiáu sue
毛都掣了了囉 moo to tshuah liáu-liáu--loh 也敢逃亡到大街 iā kánn tô-bông kàu tuā-ke 害我逐甲喘怦怦 hāi guá jik kah tshuán-phēnn-phēnn
我沿路逐 guá iân-lōo jik 伊按呢沿路走 i án-ne iân-lōo tsáu 沿路飞 iân-lōo pue 可比世界的运动会 khó-pí sè-kài ê ūn-tōng-huē
讲起来实在真笑诙 kóng--khí-lâi si̍t-tsāi tsin tshiò-khue 这只火鸡 tsit tsiah hué-ke 煞跋落去臭沟仔底 suah pua̍h lo̍h-khì tshàu-kau-á té 我赶紧利用这个机会 guá kuánn-kín lī-iōng tsit-ê ki-huē 共掠转来 kā lia̍h tńg-lâi 用洗衣机一直洗 iōng sé-i-ki it-ti̍t sé
奇怪啊 kî-kuài--ah 洗半点外钟久 sé puàn-tiám-guā tsing kú 气味仙洗都洗袂退 khì-bī sian sé to sé bē thè
人客客厅坐 lâng-kheh kheh-thiann tsē 等甲强强欲发性地 tán kah kiōng-kiōng-beh huat-sìng-tē 叫我赶紧出火鸡 kiò guá kuánn-kín tshut hué-ke
我就按呢干干脆脆 guá tsiū-án-ne kan-kan-tshè-tshè 三十六刀 sann-tsa̍p-la̍k to 七十二块 tshit-tsa̍p-jī tè 快速使炎火 khuài-sok sái iām-hué 做好 tsò hó 才共捀出去请人客 tsiah kā phâng tshut-khì tshiánn-lâng-kheh
彼人客看着是美国火鸡 he lâng-kheh khuànn-tio̍h sī Bí-kok hué-ke 按呢逐家相争夹 án-ne ta̍k-ke sio-tsinn ngeh 窒窒咧规喙䫌 that-that--leh kui tshuì-phé
窒了后 that liáu-āu 才知影气味有问题 tsiah tsai-iánn khì-bī ū būn-tê 想讲欲吐出来 siūnn-kóng beh thòo--tshut-lâi 又阁惊歹势啊 iū-koh kiann pháinn-sè--ah
只好目睭激瞌瞌 tsí-hó ba̍k-tsiu kik kheh-kheh 大个共伊吞落去腹肚底 tuā-ê kā-i thun lo̍h-khì pak-tóo-té 顺绁呵咾 sūn-suà o-ló 我这个总舖师的好手艺 guá tsit-ê tsóng-phòo-sai ê hó tshiú-gē 也会晓煮这号美国来的火鸡 iā ē-hiáu tsú tsit-lō Bí-kok lâi ê hué-ke ↑↑(口白)---(口白)---(口白)↑↑
人人叫我是总舖师 lâng-lâng kiò guá sī tsóng-phòo-sai 上盖出名是𠢕煮菜 siōng-kài tshut-miâ sī gâu tsú-tshài 料理好食是盖全台 liāu-lí hó-tsia̍h sī kài tsuân-Tâi 名声轰动是全世界 miâ-siann hong-tōng sī tsuân-sè-kài
先生食著笑咍咍 sian-sinn tsia̍h tio̍h tshiò-hai-hai 小姐食著好体材 sió-tsiá tsia̍h tio̍h hó thé-tsâi 囡仔食著真可爱 gín-á tsia̍h tio̍h tsin khó-ài 毋信请恁试看觅 m̄ sìn, tshiánn lín tshì-khuànn-māi
- 感谢 W.B. Chen 修正歌词
- 友站连结: W.B. Chen
|