- 歌词
- 专辑列表
- 歌手介绍
郭大诚
-
糊涂裁缝师
作词:林秋标/郭大诚 作曲:郭大诚
我是一个快快乐乐糊涂裁缝师,新型服装阮来设计 裁刀来剪裁,请恁来试看觅,穿着真可爱,无论是先生小姐请恁赶紧来 新潮派,新时代,工夫通人知 糊涂的裁缝师。
口白:来来来,小弟姓胡名涂,全省通人知, 我是有名的裁缝师。
彼当时梁山伯和祝英台,草茅相结拜,所穿的服装是对叨来? 嘿嘿嘿 也是小弟去给伊剪给伊裁,不信恁挺好去问伊看觅。
当今二十一世纪的新时代流行是新潮派,查某囝仔的裙, 讲著愈短才会愈可爱, 但是穿迷气裙尚惊做风台,所以迷地和迷嬉裙, 才会马上流行全世界。
话又讲倒返来,不是我在漏下骸,顶日仔去遇着一个做戏的演员, 找对我这来,拿一块花布叫我就给伊剪给伊裁, 讲裕做一套奸臣的服装穿去上舞台,叫我著加伊做较可爱,而且工钱讲欲清清采采,
啊好哇!你加会清采,我吗清清采采给你剪搁给你裁, 无十分钟久, 都加做到真可爱。 有一日, 伊穿我所做的服装去上舞台, 马势一吓排,哎~哭爸呀~ 裤底逐离西西!台下的观众看一挒笑嗨嗨,有的笑得揽肚脐。 呀不搁导演在后台,感觉真奇怪,探头出来看觅,哎哎按呢欲那会使, 赶紧叫一个秀才, 临时出去请伊入来,秀才出场就大声哀:“哎呀!启禀相爷,皇上有旨,命你速速回朝,
彼个时袸的奸臣仔感觉大奇怪,呀这场戏著不是你应该要上台,因何你那会加我走出来, 啊彼个时袸开嘴就问秀才:“有何贵事,快快奏来”秀才:“启禀相爷,嗯!城下和尚来做歹, 舍世舍众不应该,皇上命你掠来杀,请你低头来看觅。 ”彼个时袸的奸臣就按呢赶紧测一个马势: “带我观来,啊呀大事不妙了, 左右啊, 裤底离西西,快快下后台......” 嘿嘿嘿,这拢是小弟不才所做的服装在咧作怪,可见我的手艺昧丑,
看你要外清采外可爱,不信请恁来定做看觅, 啊就是为著按呢, 大家不才拢叫我是糊涂的裁缝师!
我是一个快快乐乐糊涂裁缝师,新型服装阮来设计 裁刀来剪裁,请恁来试看觅,穿着真可爱,无论是先生小姐, 请恁赶紧来 新潮派,新时代, 工夫通人知,糊涂的裁缝师
-------------------------------------------
作词:林秋标/郭大诚 作曲:郭大诚
《糊涂裁缝师》 郭大诚 Kueh Tāi-sîng
阮是一个快快乐乐 gún sī tsi̍t-ê khuài-khuài-lo̍k-lo̍k 糊涂裁缝师 hôo-tôo tshâi-hông-sai 新型服装 sin-hîng ho̍k-tsong 阮来设计 gún lâi siat-kè 裁刀来剪裁 tshâi-to lâi tsián-tshâi
请恁来试看觅 tshiánn lín lâi tshì-khuànn-māi 穿着真可爱 tshīng tio̍h, tsin khó-ài 无论是先生小姐 bô-lūn sī sian-sinn sió-tsiá 请恁赶紧来 tshiánn lín kuánn-kín lâi
新潮派 sin tiâu-phài 新时代 sin sî-tāi 工夫通人知 kang-hu thong-lâng tsai 糊涂的裁缝师 hôo-tôo ê tshâi-hông-sai
↓↓(口白)---(口白)---(口白)↓↓ 来来来 lâi, lâi, lâi 小弟姓胡名涂 sió-tī sìnn Ôo miâ Thôo 全省通人知 tsuân-síng thong-lâng tsai 我是有名的裁缝师 guá sī iú-miâ ê tshâi-hông-sai
彼当时梁山伯佮祝英台 hit-tang-sî Niû San-pik kah Tsiok Ing-tâi 草茅相结拜 tsháu-mâu sio kiat-pài 所穿的服装 sóo tshīng ê ho̍k-tsong 是对佗来 sī tuì toh lâi
嘿嘿嘿嘿 heh heh heh heh 就是小弟 tsiū-sī sió-tī 去共伊剪共伊裁 khì kā-i tsián kā-i tshâi 毋信恁听好去问伊看觅 m̄ sìn, lín thìng-hó khì mn̄g i khuànn-māi
当今二十世纪的新时代 tong-kim jī-tsa̍p sè-kí ê sin sî-tāi 流行是新潮派 liû-hîng sī sin tiâu-phài 查某囡仔的裙 tsa-bóo gín-á ê kûn 讲著愈短 kóng-tio̍h jú té 才会愈可爱 tsiah-ē jú khó-ài
但是穿迷你裙 tān-sī tshīng bê-lí-kûn 是上惊做风台 sī siōng kiann tsò-hong-thai 所以迷地佮迷膝裙 sóo-í bê-tē kah bê-sit-kûn 才会马上流行全世界 tsiah-ē má-siōng liû-hîng tsuân-sè-kài
话讲倒转来 uē kóng tò-tńg--lâi 毋是我咧落下颏 m̄-sī guá teh làu-ē-hâi 顶日仔 tíng-ji̍t-á 去遇着一个做戏的演员 khì gū-tio̍h tsi̍t-ê tsò-hì ê ián-uân 揣对我遮来 tshē tuì guá tsia lâi
剪一块花仔布 tsián tsi̍t-tè hue-á-pòo 讲叫我著共伊剪共伊裁 kóng kiò guá tio̍h kā-i tsián kā-i tshâi
讲欲做一套 kóng beh tsò tsi̍t-thò 奸臣仔的服装 kan-sîn-á ê ho̍k-tsong 穿去上舞台 tshīng khì tsiūnn bú-tâi
叫我著共伊做甲可爱 kiò guá to̍h kā-i tsò kah khó-ài 而且工钱 更多更详尽歌词 在 ※ Mojim.com 魔镜歌词网 jî-tshiánn kang-tsînn 讲欲凊凊彩彩 kóng beh tshìn-tshìn-tshái-tshái
啊好啊! Ah hó--ah! 你敢若会凊彩 lí kánn ē tshìn-tshái 我嘛凊凊彩彩 guá mā tshìn-tshìn-tshái-tshái 共你剪共你裁 kā lí tsián, kā lí tshâi
无十分钟久 bô tsa̍p hun-tsing kú 就共做甲真可爱 tō kā tsò kah tsin khó-ài
有一日 ū-tsi̍t-ji̍t 伊穿我做的服装 i tshīng guá tsò ê ho̍k-tsong 去上舞台 khì tsiūnn bú-tâi 马势一下排 bé-sè tsi̍t-ē pâi
哇!哭爸矣 uah! khàu-pē--ah 裤底煞裂西西 khòo-té suah li̍h-sai-sai 台跤的观众 tâi-kha ê kuan-tsiòng 看一下笑咍咍 khuànn tsi̍t-ē tshiò-hai-hai 有的笑甲揽肚脐 ū-ê tshiò kah lám tōo-tsâi
犹毋过导演的在后台 iáu-m̄-koh tō-ián--ê tsāi āu-tâi 感觉真奇怪 kám-kak tsin kî-kuài 探头出来看觅 tham-thâu tshut-lâi khuànn-māi
哎哎!按呢欲哪会使 aih-aih! án-ne beh ná ē-sái 赶紧叫一个秀才 kuánn-kín kiò tsi̍t-ê siù-tsâi 临时出去请伊入来 lîm-sî tshut-khì tshiánn i ji̍p-lâi
秀才出场就大声哀: siù-tsâi tshut-tiûnn tiō tuā-siann ai: 启禀相爷 khé-pín siòng-iâ 皇上有旨 hông-siōng iú tsí 命你速速回朝 bīng lí sok-sok huê-tiâu
彼个时阵的奸臣仔 hit-ê sî-tsūn ê kan-sîn-á 感觉大奇怪: kám-kak tuā kî-kuài:
啊这场戏 ah tsit-tiûnn hì 都毋是你应该爱上台 tio m̄-sī lí ìng-kai ài tsiūnn-tâi 因何你哪会共我走出来 in-hô lí ná ē kā guá tsáu--tshut-lâi
啊彼个时阵 ah hit-ê sî-tsūn 开喙就问秀才: khui-tshuì tiō mn̄g siù-tsâi : 有何贵事 iú hô kuì-sū 快快奏来 khuài-khuài tsàu--lâi
秀才: siù-tsâi: 启禀相爷 khé pín siòng-iâ 城下和尚来做歹 siânn-hā huê-siūnn lâi tsuè-pháinn 卸世卸众不应该 sià-sì-sià-tsìng put ìng-kai 皇上命你掠来刣 hông-siōng bīng lí lia̍h-lâi thâi 请你低头来看觅 tshiánn lí ti-thiô lâi khuànn-māi
彼个时阵的奸臣 hit-ê sî-tsūn ê kan-sîn 就按呢赶紧 tsū-án-ne kuánn-kín 促一个马势: tshik tsi̍t-ê bé-sè: 待我观来 thāi ngóo kuan--lâi
啊呀大事不妙了 ah-iah! tāi-sū put-miāu--liáu 左右啊 tsó-iū--ah 裤底裂西西 khòo-té li̍h-sai-sai 快快入后台啊 khuài-khuài ji̍p āu-tâi--ah
嘿嘿嘿嘿 heh, heh, heh, heh 这拢是小弟不才 tse lóng-sī sió-tī put-tsâi 所做的服装 sóo tsò ê ho̍k-tsong 伫咧作怪 tī-leh tsok-kuài 可见我的手艺袂䆀 khó-kiàn guá ê tshiú-gē buē-bái
看恁欲偌凊彩偌可爱 khuànn lín beh guā tshìn-tshái, guā khó-ài 毋信请恁来定做看觅 m̄ sìn, tshiánn lín lâi tīng-tsò khuànn-māi
啊就是为了按呢 ah tiō-sī uī-liáu án-ni 逐家毋才拢叫我 ta̍k-ke m̄-tsiah lóng kiò guá 是糊涂的裁缝师 sī hôo-tôo ê tshâi-hông-ai ↑↑(口白)---(口白)---(口白)↑↑
阮是一个快快乐乐 gún sī tsi̍t-ê khuài-khuài-lo̍k-lo̍k 糊涂裁缝师 hôo-tôo tshâi-hông-sai 新型服装 sin-hîng ho̍k-tsong 阮来设计 gún lâi siat-kè 裁刀来剪裁 tshâi-to lâi tsián-tshâi
请恁来试看觅 tshiánn lín lâi tshì-khuànn-māi 穿着真可爱 tshīng tio̍h, tsin khó-ài 无论是先生小姐 bô-lūn sī sian-sinn sió-tsiá 请恁赶紧来 tshiánn lín kuánn-kín lâi
新潮派 sin tiâu-phài 新时代 sin sî-tāi 工夫通人知 kang-hu thong-lâng tsai 糊涂的裁缝师 hôo-tôo ê tshâi-hông-sai
- 感谢 W.B. Chen 修正歌词
- 友站连结: W.B. Chen
|