- 歌词
- 专辑列表
- 歌手介绍
郭大诚
-
糊涂半桶师
糊涂半桶师 糊涂半桶师
工夫低路通人知
糊涂半桶师 糊涂半桶师
糊里糊涂真可爱
欲学裁缝 做裤裂西西
欲学总舖 火鸡毋敢刣
欲学理发师 吹风吹袂在
欲学挽喙齿 去挽甲落下颏
糊里糊涂也可爱
半桶工夫 予恁笑咍咍
↓↓(口白)---(口白)---(口白)↓↓
若讲起我少年时 实在真𠢕并变
讲讲咧 听好搬咧一出戏
工夫学无够在 就去佮人 做彼号裁缝师
做一套奸臣仔服 予人穿去上舞台 穿一下 裤底煞裂西西
我毋才走去 做彼号总舖师
头一工 阮师傅 就掠一只美国火鸡 欲予我刣
我煞惊甲流目屎 阮师傅嫌我 胆头无够在
讲叫我著转去 学学咧 才阁来
我想想咧乎 就来去学搬戏 较实在
犹毋过导演的真厉害
伊讲我 若是欲做奸臣仔 是无够歹
若欲做小生 是欠人才 抑若欲做三花
是小丑仔激袂来
算算咧 攑旗棍仔是上合台
好呶 攑旗棍仔 就攑旗棍仔啊
犹毋过真歹运 一下上舞台 就去拄著奸臣仔 真正歹
原来伊就是顶一日仔 予我共做裤裂西西
伊永远都真愤慨喔 就按呢 在舞台顶 假戏真做
攑刀欲共我刣 害我惊一下 赶紧跳落台
啊按呢 导演的气甲大声哀 骂我不应该
伸手欲共我揌 我就按呢 走去欲做牙齿师
若讲做牙齿的医生啊 我上爱
第一个人客 是有钱人的太太
伊讲金喙齿欲换规排 叫我旧喙齿共挽起来
我挽啊挽 挽一下 煞落下颏
一块牌匾 煞共我黜黜落来
我煞著爱改途 就按呢去做彼号理发师
有一个少年的 讲伊今仔日欲做新囝婿
叫我头鬃著爱 共伊吹甲较可爱
犹毋过 吹风机 火伤强 我毋知
共吹一下 规粒头壳 煞做火灾
彼头鬃是烧甲 亲像豆菜
少年的按呢 大声细声哀
看欲叫伊 如何去娶太太
后来乎 只好规套头鬃 著爱剪落来
留一粒和尚头 才去做新囝婿
唉 我的头脑 都无比别人较䆀
因何做事拢会失败 到尾仔我才知
就是因为 工夫学无够在啊 就欲佮人 发大财做大师
毋才会予人笑讲 是一个糊涂的半桶师
↑↑(口白)---(口白)---(口白)↑↑
糊涂半桶师 糊涂半桶师
工夫低路通人知
糊涂半桶师 糊涂半桶师
糊里糊涂真可爱
欲学裁缝 做裤裂西西
欲学总舖 火鸡毋敢刣
欲学理发师 吹风吹袂在
欲学挽喙齿 糊里糊涂也可爱
半桶工夫 予恁笑咍咍
《糊涂半桶师》Hôo-tôo Puànn-tháng-sai
郭大诚 Kueh Tāi-sîng
------------------------------------------
糊涂半桶师 / hôo-tôo puànn-tháng-sai
糊涂半桶师 / hôo-tôo puànn-tháng-sai
工夫低路通人知 / kang-hu kē-lōo thong-lâng tsai
糊涂半桶师 / hôo-tôo puànn-tháng-sai
糊涂半桶师 / hôo-tôo puànn-tháng-sai
糊里糊涂真可爱 / hôo-lí-hôo-tôo tsin khó-ài
欲学裁缝 / beh o̍h tshâi-hông
做裤裂西西 / tsuè-khòo li̍h-sai-sai
欲学总舖 / beh o̍h tsóng-phòo
火鸡毋敢刣 / hué-ke m̄-kánn thâi
欲学理发师 / beh o̍h lí-huat-sai
吹风吹袂在 / tshue-hong tshue bē tsāi
欲学挽喙齿 / beh o̍h bán-tshuì-khí
去挽甲落下颏 / khì bán kah làu-ē-hâi
糊里糊涂也可爱 / hôo-lí-hôo-tôo iā khó-ài
半桶工夫 / puànn-tháng kang-hu
予恁笑咍咍 / hōo lín tshiò-hai-hai
↓↓(口白)---(口白)---(口白)↓↓
若讲起我少年时 / nā kóng-khí guá siàu-liân-sî
实在真𠢕反变 / si̍t-tsāi tsin gâu píng-pìnn
讲讲咧 / kóng-kóng--eh
听好搬咧一出戏 / thìng-hó puann leh tsi̍t-tshut hì
工夫学无够在 / kang-hu o̍h bô-kàu tsāi
就去佮人 / tō khì kah lâng
做彼号裁缝师 / tsò hit-lō tshâi-hông-sai
做一套奸臣仔服 / tsuè tsi̍t-thò kan-sîn-á ho̍k
予人穿去上舞台 / hōo-lâng tshīng khì tsiūnn bú-tâi
穿一下 / tshīng tsi̍t-ē
裤底煞裂西西 / khòo-té suah li̍h-sai-sai
我毋才走去 / guá m̄-tsiah tsáu-khì
做彼号总舖师 / tsò hit-lō tsóng-phòo-sai
头一工 阮师傅 / thâu-tsi̍t-kang, gún sai-hū
就掠一只美国火鸡 / tō lia̍h tsi̍t-tsiah Bí-kok hué-ke
欲予我刣 / beh hōo guá thâi
我煞惊甲流目屎 / guá suah kiann kah lâu ba̍k-sái
阮师傅嫌我 / gún sai-hū hiâm guá
胆头无够在 / tánn-thâu bô-kàu tsāi
讲叫我著转去 / kóng kiò guá to̍h tńg-khì
更多更详尽歌词 在 ※ Mojim.com 魔镜歌词网
学学咧 / o̍h-o̍h--leh
才阁来 / tsiah-koh lâi
我想想咧乎 / guá siūnn-siūnn--eh-honnh
就来去学搬戏 / tō lâi-khì o̍h puann-hì
较实在 / khah si̍t-tsāi
犹毋过导演的真厉害 / iáu-m̄-koh tō-ián--ê tsin lī-hāi
伊讲我 / i kóng guá
若是欲做奸臣仔 / nā-sī beh tsò kan-sîn-á
是无够歹 / sī bô-kàu pháinn
若欲做小生 / nā beh tsò sió-sing
是欠人才 / sī khiàm lâng-tsâi
抑若欲做三花 / ia̍h-nā beh tsò sann-hue
是小丑仔激袂来 / sī siáu-thiú-á kik bē lâi
算算咧 / sǹg-sǹg--eh
攑旗棍仔是上合台 / gia̍h kî-kùn-á sī siōng ha̍h-tâi
好呶 攑旗棍仔 / hó--nooh, gia̍h kî-kùn-á
就攑旗棍仔啊 / tō gia̍h kî-kùn-á--ah
犹毋过真歹运 / iáu-m̄-koh tsin pháinn-ūn
一下上舞台 / tsi̍t-ē tsiūnn bú-tâi
就去拄著奸臣仔 / tō khì tú-tio̍h kan-sîn-á
真正歹 / tsin-tsiànn pháinn
原来伊就是顶一日仔 / guân-lâi i tiō-sī tsîng tsi̍t-ji̍t-á
予我共做裤裂西西 / hōo guá kā tsò-khòo li̍h-sai-sai
伊永远都真愤慨喔 / i íng-uán to tsin hùn-khài--ooh
就按呢 / tsū-án-ne
在舞台顶 / tsāi bú-tâi-tíng
假戏真做 / ké-hì tsin-tsò
攑刀欲共我刣 / gia̍h to beh kā guá thâi
害我惊一下 / hāi guá kiann tsi̍t-ē
赶紧跳落台 / kuánn-kín thiàu lo̍h tâi
啊按呢 / ah án-ne
导演的气甲大声哀 / tō-ián--ê khì kah tuā-siann ai
骂我不应该 / mā guá put-ìng-kai
伸手欲共我揌 / tshun-tshiú beh kā guá sai
我就按呢 / guá tsū-án-ne
走去欲做牙齿师 / tsáu-khì beh tsò gê-khí-sai
若讲做牙齿的医生啊 / nā kóng tsò-gê-khí ê i-sing--ah
我上爱 / guá siōng ài
第一个人客 / tē-it ê lâng-kheh
是有钱人的太太 / sī ū-tsînn-lâng ê thài-thài
伊讲金喙齿欲换规排 / i kóng kim tshuì-khí beh uānn kui pâi
叫我旧喙齿共挽起来 / kiò guá kū tshuì-khí kā bán--khí-lâi
我挽啊挽 / guá bán--ah bán
挽一下 / bán tsi̍t-ē
煞落下颏 / suah làu-ē-hâi
一块牌匾 / tsi̍t-tè pâi-pián
煞共我黜黜落来 / suah kā guá thuh-thuh--lo̍h-lâi
我煞著爱改途 / guá suah to̍h-ài kái-tôo
就按呢去做彼号理发师 / tsū-án-ne khì tsò hit-lō lí-huat-sai
有一个少年的 / ū tsi̍t-ê siàu-liân--ê
讲伊今仔日 / kóng i kin-á-ji̍t
欲做新囝婿 / beh tsò sin kiánn-sài
叫我头鬃著爱 / kiò guá thâu-tsang tio̍h-ài
共伊吹甲较可爱 / kā-i tshue kah khah khó-ài
犹毋过 / iáu-m̄-koh
吹风机 / tshue-hong-ki
火伤强 / hué siunn kiông
我毋知 / guá m̄-tsai
共吹一下 / kā tshue--tsi̍t-ē
规粒头壳 / kui lia̍p thâu-khak
煞做火灾 / suah tsò hué-tsai
彼头鬃是烧甲 / he thâu-tsang sī sio kah
亲像豆菜 / tshin-tshiūnn tāu-tshài
少年的按呢 / siàu-liân--ê án-ne
大声细声哀 / tuā-siann-sè-siann ai
看欲叫伊 / khuànn beh kiò i
如何去娶太太 / jî-hô khì tshuā thài-thài
后来乎 / āu--lâi-honnh
只好规套头鬃 / tsí-hó kui thò thâu-tsang
著爱剪落来 / to̍h-ài tsián--lo̍h-lâi
留一粒和尚头 / lâu tsi̍t-lia̍p huê-siūnn thâu
才去做新囝婿 / tsiah khì tsò sin-kiánn-sài
唉 我的头脑 / haih! guá ê thâu-náu
都无比别人较䆀 / to bô pí pa̍t-lâng khah bái
因何做事拢会失败 / in-hô tsò-sū lóng ē sit-pāi
到尾仔我才知 / kàu bué-á guá tsiah tsai
就是因为 / tō-sī in-uī
工夫学无够在啊 / kang-hu o̍h bô-kàu tsāi--ah
就欲佮人 / tō beh kah lâng
发大财做大师 / huat tuā-tsâi tsò tuā-sai
毋才会予人笑讲 / m̄-tsiah ē hōo-lâng tshiò kóng
是一个糊涂的半桶师 / sī tsi̍t-ê hôo-tôo ê puànn-tháng-sai
↑↑(口白)---(口白)---(口白)↑↑
糊涂半桶师 / hôo-tôo puànn-tháng-sai
糊涂半桶师 / hôo-tôo puànn-tháng-sai
工夫低路通人知 / kang-hu kē-lōo thong-lâng tsai
糊涂半桶师 / hôo-tôo puànn-tháng-sai
糊涂半桶师 / hôo-tôo puànn-tháng-sai
糊里糊涂真可爱 / hôo-lí-hôo-tôo tsin khó-ài
欲学裁缝 / beh o̍h tshâi-hông
做裤裂西西 / tsuè-khòo li̍h-sai-sai
欲学总舖 / beh o̍h tsóng-phòo
火鸡毋敢刣 / hué-ke m̄-kánn thâi
欲学理发师 / beh o̍h lí-huat-sai
吹风吹袂在 / tshue-hong tshue bē tsāi
欲学挽喙齿 / beh o̍h bán-tshuì-khí
去挽甲落下颏 / khì bán kah làu-ē-hâi
糊里糊涂也可爱 / hôo-lí-hôo-tôo iā khó-ài
半桶工夫 / puànn-tháng kang-hu
予恁笑咍咍 / hōo lín tshiò-hai-hai
-
|
