- 歌词
- 专辑列表
- 歌手介绍
郭大诚
-
内山兄坐车
作词:郭林 作曲:日本曲
内山兄坐牛车 要去台北城 到山脚换坐一台 上北的火车 坐火车到台北 换坐计程车 看见着交通警察 置咧指挥车 车来车去一时听着 哔哔仔声 游览车公共汽车 三轮货车吉普车 一架架拢来停车 归路全是车
↓↓(口白)---(口白)---(口白)↓↓ 内山兄坐一台牛车 要去繁华的台北城 真歹运到山脚 牛车煞来跌落崎 害我摔一下 险险啊无生命 这件车祸 结果压死两只蚂蚁 牛车不能走尚害 自按呢 跑去火车头坐火车 坐不外久 火车就到了台北城 落火车头 煞乎我著一惊 看到街路 车来车去全是车 要去北投 煞不知要坐叨一架 好加在 一位司机大兄 驶著计程车 叫我紧上车 向前开着直直行 行呀行 唉唷 忽然去听到 交通的哔哔仔声 一路上的车 一架一架拢来停车 原来啊 就是一个五六岁的囝仔兄 驶一台迷你的电动车 大大方方大车路把它当作运动场 驶得四界行 害得对面来的150cc机车 车手煞抓不住 为着要闪彼台电动车 煞去撞到水肥车 那台水肥车赶紧来煞车 也不过水肥已经喷出归半车 害我坐的计程车归车煞臭兮兮 好加在 好加在 后面跟着一台消防车 赶紧喷水来甲我洗车 洗好车才搁听到哔哔声 车辆全部才搁起行 唉唷 也不过想到我会惊 所以我要拜托囝仔兄 交通规则你要听 你若发生事故 父母的心会真疼痛 车路不通当作运动场 才袂发生人命 ↑↑(口白)---(口白)---(口白)↑↑
哔哔仔声吹一声 车辆又起行 囝仔人发生事故 父母心疼痛 大车路千万不通 当作运动场 听歌的先生小姐 恁若要坐车 请恁要求司机大兄 车掌小姐 著遵守交通规则 不通超载甲超车 也通来保全自己 宝贵的生命
------------------------------------------
《内山兄坐车》Lāi-suann-hiann Tsē-tshia 郭大诚Kueh Tāi-sîng
内山兄坐牛车 lāi-suann-hiann tsē gû-tshia 欲去台北城 beh khì Tâi-pak-siânn 到山跤换坐一台 kàu suann-kha uānn tsē tsi̍t-tâi 上北的火车 tsiūnn-pak ê hué-tshia 坐火车到台北 tsē hué-tshia kàu Tâi-pak 换坐计程车 uānn tsē kè-thîng-tshia 看见着交通警察 khuànn-kìnn tio̍h kau-thong-kíng-tshat 伫咧指挥车 tī-leh tsí-hui tshia 车来车去 tshia lâi tshia khì 一时听着觱觱仔声 tsi̍t-sî thiann-tio̍h pi-pi-á siann 游览车公共汽车 iû-lám-tshia kong-kiōng-khì-tshia 三轮货车吉普车 sann-lián-huè-tshia jì-puh-tshia 一只只拢来停车 tsi̍t-tsiah-tsiah khuè lóng lâi thîng-tshia 规路全是车 kui-lōo tsuân sī tshia
↓↓(口白)---(口白)---(口白)↓↓ 内山兄坐一台牛车 lāi-suann-hiann tsē tsi̍t-tâi gû-tshia 欲去繁华的台北城 beh khì huân-huâ ê Tâi-pak-siânn 诚歹运到山跤 tsiânn pháinn-ūn kàu suann-kha 牛车煞来跋落崎 gû-tshia suah lâi pua̍h-lo̍h kiā 害我摔一下 hāi guá siak tsi̍t-ē 险险仔无性命 hiám-hiám-á bô sìnn-miā 这件车祸 更多更详尽歌词 在 ※ Mojim.com 魔镜歌词网 tsit kiānn tshia-hō 结果轧死两只狗蚁 kiat-kó kauh sí nn̄g-tsiah káu-hiā 牛车袂当行上害 gû-tshia buē-tàng kiânn siōng hāi 自按呢 tsū-án-ne 走去火车头坐火车 tsáu-khì hué-tshia-thâu tsē hué-tshia 坐无偌久 tsē bô-guā-kú 火车就到了台北城 hué-tshia tsiū kàu liáu Tâi-pak-siânn 落火车头 lo̍h hué-tshia-thâu 煞予我著一惊 suah hōo guá tio̍h tsi̍t-kiann 看着街路 khuànn-tio̍h ke-lōo 车来车去全是车 tshia lâi tshia khì tsuân sī tshia 欲去北投 beh khì Pak-tâu 煞毋知欲坐佗一只 suah m̄-tsai beh tsē tó tsi̍t-tsiah 好佳哉 hó-ka-tsài 一个司机大兄 tsi̍t-ê su-ki tuā-hiann 驶著计程车 sái tio̍h kè-thîng-tshia 叫我紧上车 kiò guá kín tsiūnn-tshia 向前开咧直直行 hiòng-tsîng khui eh ti̍t-ti̍t kiânn 行啊行 kiânn--ah kiânn 哎哟!忽然间去听着 aih-iō! hut-jiân-kan khì thiann-tio̍h 交通的觱觱仔声 kau-thong ê pi-pi-á siann 一路上的车 tsi̍t-lōo siōng ê tshia 一只一只拢来停车 tsi̍t-tsiah-tsi̍t-tsiah lóng lâi thîng-tshia 原来啊 guân-lâi--ah 就是一个五六岁的囡仔兄 tsiū-sī tsi̍t-ê gōo-la̍k huè ê gín-á-hiann 驶一台迷你的电动车 sái tsi̍t-tâi mini ê tiān-tōng-tshia 大大方方大车路 tuā-tuā-hong-hong tuā-tshia-lōo 共当做运动埕 kā tòng-tsò ūn-tōng-tiânn 驶咧四界行 sái leh sì-kè kiânn 害著对面来的150cc的机车 hāi tio̍h tuì-bīn lâi ê 150cc ê ki-tshia 车手煞扞袂定 tshia-tshiú suah huānn buē tiānn 为著欲闪彼台电动车 uī-tio̍h beh siám hit tâi tiān-tōng-tshia 煞去挵著水肥车 suah khì lòng-tio̍h tsuí-puî-tshia 彼个水肥车 hit ê tsuí-puî-tshia 赶紧来煞车 kuánn-kín lâi sat-tshia 犹毋过 iáu-m̄-koh 水肥已经喷出规半车 tsuí-puî í-king phùn tshut kui puànn-tshia 害我坐的计程车 hāi guá tsē ê kè-thîng-tshia 规车煞臭kiâ-kiâ kui tshia suah tshàu kiâ-kiâ 好佳哉好佳哉 hó-ka-tsài hó-ka-tsài 后面缀著一台消防车 āu-bīn tuè tio̍h tsi̍t-tâi siau-hông-tshia 赶紧溅水来共我洗车 kuánn-kín tsuānn-tsuí lâi kā guá sé tshia 洗好车 sé-hó tshia... 洗好车才阁去听着 sé-hó tshia tsiah-koh khì thiann-tio̍h 彼号觱觱声 hit-lō pi-pi-siann 车辆全部才阁起行 tshia-lióng tsuân-pōo tsiah-koh khí-kiânn 唉唷犹毋过想着会惊 aih-iooh, iáu-m̄-koh siūnn-tio̍h ē kiann 所以讲我欲拜托囡仔兄 sóo-í kóng guá beh pài-thok gín-á-hiann 交通规则恁著听 kau-thong kui-tsik lín tio̍h thiann 恁若发生事故 lín nā huat-sing sū-kòo 爸母的心是真痛疼 pē-bú ê sim sī tsin thàng-thiànn 车路毋通当做运动埕 tshia-lōo m̄-thang tòng-tsò ūn-tōng-tiânn 才袂发生人命 tsiah buē huat-sing lâng-miā ↑↑(口白)---(口白)---(口白)↑↑
觱觱仔声歕一声 pi-pi-á-siann pûn tsi̍t-siann 车辆又起行 tshia-lióng iū khí-kiânn 囡仔人发生事故 gín-á-lâng huat-sing sū-kòo 爸母心痛疼 pē-bú sim thàng-thiànn 大车路千万毋通 tuā-tshia-lōo tshian-bān m̄-thang 当做运动埕 tòng-tsuè ūn-tōng-tiânn 听歌的先生小姐 thiann-kua ê sian-sinn sió-tsiá 恁若欲坐车 lín nā beh tsē tshia 请恁要求司机大兄 tshiánn lín iau-kiû su-ki tuā-hiann 车掌小姐 tshia-tsiáng sió-tsiá 著遵守交通规则 tio̍h tsun-siú kau-thong kui-tsik 毋通超载佮超车 m̄-thang tshiau-tsài kah tshiau-tshia 也通来保全 iā thang lâi pó-tsuân 自己宝贵的性命 tsū-kí pó-kuì ê sìnn-miā
- 感谢 W.B. Chen 修正歌词
- 友站连结: W.B. Chen
|