- 专辑介绍
- 歌词
- 专辑列表
- 歌手介绍
装咖人
-
林秀媚
作词：张嘉祥
作曲：张嘉祥、朱雨民
编曲：朱雨民
天 已经清光光 你 前跤踏出门
讲今日当好时 招阮出门散散心
我想无 哪会毋缀你来去？
你敢有 阁来的清光的日子
寒天水冷清清 厝内只有阮精神
三千箍 我已经还 米嘛有够用
你转来彼一工 阮䖙(thenn)伫眠床顶
神明厅红赤赤 厝后一阵一阵
天是清光 日是好日 是哭阮是哭阮
你跍伫遐啊 毋愿起身啊 一阵一阵
观音(im)菩萨救苦救难 踅矣踅 转矣转
你转来彼一工 倒伫四人扛的床
神明厅黑嘛嘛 厝内一阵一阵
天是清光 日是好日 是哭阮是哭阮
阮跍伫遐啊 毋愿起身啊 一阵一阵
观音菩萨救苦救难 踅矣踅 转矣转
转来厝内 揣囝儿序细 看亻因困伫眠床
拜请拜请
拜请观音菩萨 拜请文殊菩萨
拜请地藏菩萨 拜请拜请
拜请嘉义卢炳钦 安心放下保万民
厝内序细拢平静 目屎袂落林秀媚
有时你会哭规暝(mî) 有时你会坐桌顶
等亻因彼工拢落去 菩萨面前讲予明
拜请陈澄波(tîng-pho) 拜请蔡铁城
拜请卢炳钦 拜请拜请 退驾
华文版：
天已经亮光光，你前脚刚踏出门。说今天是个好日子，找我一起出门散步散心。我想不懂，为什么当时我不答应你？跟你去呢？你还会有未来明亮的日子吗？寒天里水冷清清，家里现在只有我清醒，三仟块我已经还了，家里的米现在也够用。你回来的那一天，我躺在床上，神明厅红光赤赤，家后院传来你一阵一阵的哭声。天已经明亮，也是个好天气，我想了想，昨天夜里你是在为我们哭泣吧？你蹲在那里，不愿起身，一阵一阵的哭声。观音菩萨啊，救苦救难，佛珠转啊转，绕啊绕。
你回来的那一天，躺在四个人抬的床上，家里的神明厅已经请下来，赤红的灯不再长明，一片漆黑，家里是为了你传来一阵又一阵的哭声。天已经明亮，也是个好天气，我本来想坚强不落泪，眼泪还是从我眼睛里流出来，我蹲在那里，一时没办法起身，一阵一阵的哭泣声。观音菩萨啊，救苦救难，佛珠转啊转，绕啊绕。
回来家里看看吧，看看父母小孩和我呀，看他们在床上睡着的样子。拜请观音菩萨、拜请文殊菩萨、拜请地藏菩萨让你一路平安。
拜请嘉义卢炳钦，安心放下保万民，家里一切都平静，眼泪不会掉落在林秀眉，有时你会哭整晚，有时你会坐桌上，等他们(加害者)有天都下去了，菩萨面前我们一一来说清楚是非曲直。
拜请陈澄波 拜请蔡铁城
拜请卢炳钦 拜请拜请
------------------------------------------
19610/《林秀媚》Lîm Siù-bī
装咖人Tsng-kha-lâng
↓↓(口白)---(口白)---(口白)↓↓
阿钦仔
A-khim-á
我知影
guá tsai-iánn
你是袂阁转来矣
lí sī bē koh tńg--lâi ah
我有听着
guá ū thiann-tio̍h
你伫厝外哭规暝的声
lí tī tshù-guā khàu kui-mî ê siann
彼工你转来
hit-kang lí tńg--lâi
规身躯全全血
kui-sin-khu tsuân-tsuân hueh
胸坎的血空
hing-khám ê hueh-khang
足惊人的
tsiok kiann-lâng--ê
你覆伫桌仔顶咧哭
lí phak tī toh-á-tíng teh khàu
彼阵我就知影
hit-tsūn guá tō tsai-iánn
你袂阁转来矣
lí bē koh tńg--lâi ah
咱的屘囝
lán ê ban-kiánn
有一暗共我讲
ū tsi̍t-àm kā guá kóng
看着阿爸
khuànn-tio̍h a-pah
徛伫蠓罩外口
khiā tī báng-tà guā-kháu
彼阵我阁较知影
hit-tsūn guá koh-khah tsai-iánn
你是永远永远
lí sī íng-uán íng-uán
袂阁转来矣
bē koh tńg--lâi--ah
↑↑(口白)---(口白)---(口白)↑↑
天
thinn
已经清光光
í-king tshing kng-kng
你
lí
前跤踏出门
tsîng-kha ta̍h tshut-mn̂g
讲今日当好时
kóng kim-ji̍t tng hó-sî
招阮出门散散心
tsio gún tshut-mn̂g suànn-suànn-sim
我想无
guá siūnn-bô
哪会毋缀你来去
ná ē m̄ tuè lí lâi-khì
你敢有
lí kám ū
阁来的清光的日子
koh-lâi ê tshing-kng ê ji̍t-tsí
寒天水冷清清
kuânn-thinn tsuí líng tshing-tshing
厝内只有阮精神
tshù-lāi tsí-ū gún tsing-sîn
三千箍
sann-tshing khoo
我已经还
guá í-king hîng
米嘛有够用
bí mā ū-kàu īng
你转来彼一工
lí tńg--lâi hit-tsi̍t-kang
阮䖙伫眠床顶
gún the tī bîn-tshn̂g-tíng
神明厅红赤赤
sîn-bîng-thiann âng tshiah-tshiah
厝后一阵一阵
tshù-āu tsi̍t-tsūn-tsi̍t-tsūn
天是清光啊
thinn sī tshing-kng--ah
日是好日
ji̍t sī hó-ji̍t
是哭阮
sī khàu gún
是哭阮
sī khàu gún
你跍伫遐啊
lí khû tī hia--ah
毋愿起身啊
m̄-guān khí-sin--ah
一阵一阵
tsi̍t-tsūn-tsi̍t-tsūn
一阵一阵
tsi̍t-tsūn-tsi̍t-tsūn
观音菩萨
Kuan-im Phôo-sat
救苦救难
kiù-khóo kiù-lān
踅啊踅
se̍h--ah se̍h
转啊转
tńg--ah tńg
你转来彼一工
lí tńg--lâi hit-tsi̍t-kang
倒伫四人扛的床
tó tī sì-lâng kng ê tshn̂g
神明厅乌嘛嘛
sîn-bîng thiann oo-mà-mà
厝内一阵一阵
tshù-lāi tsi̍t-tsūn-tsi̍t-tsūn
天是清光啊
thinn sī tshing-kng--ah
日是好日
ji̍t sī hó-ji̍t
是哭阮
sī khàu gún
是哭阮
sī khàu gún
阮跍伫遐啊
gún khû tī hia--ah
毋愿起身啊
m̄-guān khí-sin--ah
一阵一阵
tsi̍t-tsūn-tsi̍t-tsūn
一阵一阵
tsi̍t-tsūn-tsi̍t-tsūn
观音菩萨
Kuan-im Phôo-sat
救苦救难
kiù-khóo kiù-lān
踅啊踅
se̍h--ah se̍h
转啊转
tńg--ah tńg
转来厝内
tńg-lâi tshù-lāi
揣囝儿序细
tshuē kiánn-jî sī-sè
看怹困伫眠床
khuànn in khùn tī bîn-tshn̂g
拜请拜请
pài-tshiánn pài-tshiánn
拜请观音菩萨
pài-tshiánn Kuan-im Phôo-sat
拜请拜请
更多更详尽歌词 在 ※ Mojim.com 魔镜歌词网
pài-tshiánn pài-tshiánn
拜请文殊菩萨
pài-tshiánn Bûn-su Phôo-sat
拜请拜请
pài-tshiánn pài-tshiánn
拜请地藏菩萨
pài-tshiánn Tē-tsông Phôo-sat
拜请拜请拜请
pài-tshiánn pài-tshiánn pài-tshiánn
拜请嘉义卢鈵钦
pài-tshiánn Ka-gī Lôo Píng-khim
安心放下保万民
an-sim pàng-hā pó bān-bîn
厝内序细拢平静
tshù-lāi sī-sè lóng pîng-tsīng
目屎袂落林秀媚
ba̍k-sái buē lo̍h Lîm Siù-bī
有时你会哭规暝
ū-sî lí ē khàu kui-mî
有时你会坐桌顶
ū-sî lí ē tsē toh-tíng
等怹彼工拢落去
tán in hit kang lóng lo̍h-khì
菩萨面前
phôo-sat bīn-tsîng
佮伊讲予明
kah i kóng hōo bîng
↓↓(口白)---(口白)↓↓
我真感谢
guá tsin kám-siā
政府共你明杀
tsìng-hú kā lí bîng-sat
若是暗杀
nā-sī àm-sat
我就揣你无
guá tiō tshuē lí bô
你无做毋著任何的代志
lí bô tsò m̄-tio̍h jīm-hô ê tāi-tsì
我共你沐著血的衫
guá kā lí bak-tio̍h hueh ê sann
翕相矣
hip-siòng--ah
公义若毋来
kong-gī nā m̄-lâi
我就共相片
guá tiō kā siòng-phìnn
提出来予全世界知
the̍h tshut-lâi hōo tsuân sè-kài tsai
↑↑(口白)---(口白)↑↑
拜请拜请
pài-tshiánn pài-tshiánn
拜请陈澄波
pài-tshiánn Tân Tîng-pho
拜请拜请
pài-tshiánn pài-tshiánn
拜请蔡铁城
pài-tshiánn Tshuà Thih-sîng
拜请拜请
pài-tshiánn pài-tshiánn
拜请卢鈵钦
pài-tshiánn Lôo Píng-khim
拜请拜请拜请
pài-tshiánn pài-tshiánn pài-tshiánn
退驾
thè-kà
↓↓(口白)---(口白)---(口白)↓↓
拜请卢鈵钦
pài-tshiánn Lôo Píng-khim
我毋是古早彼款
guá m̄-sī kóo-tsá hit khuán
苦情的查某人
khóo-tsîng ê tsa-bóo-lâng
你胸坎前的批
lí hing-khám tsîng ê phe
我有看矣
guá ū khuànn--ah
丧葬费用三千箍
song-tsòng huì-iōng sann-tshing khoo
我已经还矣
guá í-king hâinn--ah
你著万事放下
lí tio̍h bān-sū pàng-hā
厝内的大大细细
tshù-lāi ê tuā-tuā-sè-sè
现此时拢平安平静
hiān-tshú-sî lóng pîng-an pîng-tsīng
我想无呢
guá siūnn-bô--neh
咱爱当时
lán ài tang-sî
才毋免惊
tsiah m̄-bián kiann
死伫机关铳口
sí tī ki-kuan-tshìng kháu
阿钦仔
A-khim-á
三牲四果
sam-sing sù-kó
著来鉴纳
tio̍h lâi kàm-la̍p
一路平安
tsi̍t-lōo pîng-an
↑↑(口白)---(口白)---(口白)↑↑
＝＝＝＝＝＝
先生娘伫咧大厅门口拜拜
sian-sinn-niû tī-leh tuā-thiann mn̂g-kháu pài-pài
伊已经老矣
i í-king lāu--ah
头鬃亲像鸡卵花
thâu-tsang tshin-tshiūnn ke-nn̄g-hue
毋过看起来
m̄-koh khuànn--khí-lâi
犹原真媠
iu-guân tsin suí
我一入来
guá tsi̍t ji̍p-lâi
先生娘就认出我
sian-sinn-niû tō jīn-tshut guá
讲我已经遐大汉
kóng guá í-king hiah tuā-hàn
伊拢无机会去揣我看我
i lóng bô ki-huē khì tshuē guá khuànn guá
毋知按怎
m̄-tsai án-tsuánn
我目屎拢流出来
guá ba̍k-sái lóng lâu--tshut-lâi
我明明已经是
guá bîng-bîng í-king sī
五十几岁
gōo-tsa̍p-kuí huè
强欲六十的妇女
kiōng-beh la̍k-tsa̍p ê hū-lú
伫秀媚先生娘看起来
tī Siù-bī sian-sinn-niû khuànn--khí-lâi
若亲像少女
ná-tshin-tshiūnn siàu-lú
秀媚先生娘讲
Siù-bī sian-sinn-niû kóng
卢医师离开几若冬了后
Lôo-i-su lī-khui kuí-nā tang liáu-āu
阿妹仔就缀怹阿爸去矣
A-muē--á tō tuè in a-pah khì--ah
阿妹仔佮怹阿爸上好
A-muē--á kah in a-pah siōng-hó
阿钦上疼伊
A-khim siōng thiànn i
怹一定伫另外一个世界
in it-tīng tī līng-guā tsi̍t-ê sè-kài
快乐生活
khuài-lo̍k sing-ua̍h
伊阁讲：
i koh kóng
前几个月
tsîng kuí kò-gue̍h
我有看着阿钦转来
guá ū khuànn-tio̍h A-khim tńg--lâi
伊牵着阿妹仔
i khan-tio̍h A-muē--á
我想欲牵伊的手
guá siūnn-beh khan i ê tshiú
随缀怹行
suî-tuè in kiânn
但是毋知是按怎
tān-sī m̄-tsai sī-án-tsuánn
我感觉我一定爱转来
guá kám-kak guá it-tīng ài tńg--lâi
转来这间厝看觅
tńg-lâi tsit king tshù khuànn-māi
也毋知欲看啥
iā m̄-tsai beh khuànn siánn
想袂到
siūnn bē-kàu
等着你
tán-tio̍h lí
你敢有看阿钦都咧门口
lí kám ū khuànn A-khim to teh mn̂g-kháu
清清气气
tshing-tshing-khì-khì
身躯勇健
sin-khu ióng-kiānn
面肉少年
bīn-bah siàu-liân
哎哟!真正缘投
aih-iō! tsin-tsiànn iân-tâu
阁目一𥍉
koh ba̍k tsi̍t-nih
秀媚先生娘
Siù-bī sian-sinn-niû
已经行去卢医师身边
í-king kiânn khì Lôo-i-su sin-pinn
伊变做少女时的模样
i piàn-tsò siàu-lú sî ê bôo-iūnn
皮肤滑溜
phuê-hu ku̍t-liu
头鬃反乌
thâu-tsang huán-oo
插一蕊鸡卵花
tshap tsi̍t-luí ke-nn̄g-hue
牵手和卢医师
khan-tshiú hām Lôo-i-su
行出医生馆
kiânn-tshut i-sing-kuán
- 感谢 W.B. Chen 修正歌词
- 友站连结： W.B. Chen
|
