- 歌词
- 专辑列表
- 歌手介绍
林强
-
祝福您大家
作词:林强 作曲:陈升 编曲:黄韵玲
想起咱较早曾讲过的话 不知你咁有记详细 你讲朋友的感情 不免对别人解释 淡三讲讲o也 两三句话 想起志明要去做兵那暝 为着要分开 咱曾凑阵哭过 同窗的感情今嘛要去叨位找 你说等退伍回来 世界就是咱的 朋友一大堆 知己没几个 发达以后 咱拢有自己的天地 理想一大堆 赚吃较实际 大汉小汉拢有伊自己的问题 哦~了然 哦~了然 咱麦想这多
朋友一大堆 不知你今嘛有做啥货 是不是娶某生子了后 就要认真打拼做人的老爸 你说环境是安呢 就爱面对现实的社会 你有不得已的苦衷 叫我不通怪你变得这么多 哦~过去 已经拢过去 麦想这多
想起咱较早曾讲过的话 不知影你咁有记详细 你讲朋友的感情 不免对别人来解释 淡三讲讲o也 两三句话 理想一大堆 你说赚吃较实际 快乐的生活 是我所要追求的 环境是按呢 就要面对现实的社会 你有不得已的苦衷 叫我不通怪你变得这么多 哦~歹势 我自己想太多 祝福您大家 祝福您每一个 祝福您大家 祝福您大家
------------------------------------------
17580/《祝福恁逐家》Tsiok-hok Lín Ta̍k-ke 林强Lîm Kiông
想起咱较早 siūnn-khí lán khah-tsá 捌讲过的话 bat kóng--kuè ê uē 毋知你敢有记详细 m̄-tsai lí kám ū kì siông-sè 你讲朋友的感情 lí kóng pîng-iú ê kám-tsîng 毋免对别人解说 m̄-bián tuì pa̍t-lâng kái-sueh 滥糁讲讲咧 lām-sám kóng-kóng--leh 两三句话 nn̄g-sann kù uē
想起志明 siūnn-khí Tsì-bîng 欲去做兵彼暝 beh khì tsò-ping hit-mê 为著欲分开 uī-tio̍h beh hun-khui 咱捌斗阵哭过 lán bat tàu-tīn khàu--kuè 同窗的感情 tông-tshong ê kám-tsîng 这马欲去佗位揣 tsit-má beh khì tó-uī tshuē 你讲等退伍转来 lí kóng tán thuè-ngóo--tńg-lâi 世界就是咱的 sè-kài tō-sī lán ê
朋友一大堆 pîng-iú tsi̍t-tuā-tui 知己无几个 ti-kí bô kuí-ê 发达以后 huat-ta̍t í-āu 咱拢有家己的天地 lán lóng ū ka-kī ê thinn-tē 理想一大堆 lí-sióng tsi̍t-tuā-tui 趁食较实际 thàn-tsia̍h khah si̍t-tsè 大汉细汉 tuā-hàn-sè-hàn 拢有伊家己的问题 lóng ū i ka-kī ê būn-tê 更多更详尽歌词 在 ※ Mojim.com 魔镜歌词网 喔~了然 ooh~ liáu-jiân 喔~了然 ooh~ liáu-jiân 咱莫想遮济 lán mài siūnn tsiah tsuē
朋友一大堆 pîng-iú tsi̍t-tuā-tui 毋知你这马咧做啥货 m̄-tsai lí tsit-má leh tsò siánn-huè 是毋是娶某生囝了后 sī-m̄-sī tshuā-bóo senn-kiánn liáu-āu 著爱认真拍拼 to̍h-ài jīn-tsin phah-piànn 做人的老爸 tsò lâng ê lāu-pē 你讲环境是按呢 lí kóng huân-kíng sī án-ne 著爱面对现实的社会 tio̍h-ài bīn-tuì hiān-si̍t ê siā-huē 你有不得已的苦衷 lí ū put-tik-í ê khóo-thiong 叫我毋通 kiò guá m̄-thang 怪你变甲遮尔济 kuài lí piàn kah tsiah-nī tsuē 喔~过去 ooh~ kuè-khì 已经拢过去 í-king lóng kuè--khì 莫想遐济 mài siūnn hiah tsuē
想起咱较早 siūnn-khí lán khah-tsá 捌讲过的话 bat kóng--kuè ê uē 毋知影你敢有记详细 m̄ tsai-iánn lí kám ū kì siông-sè 你讲朋友的感情 lí kóng pîng-iú ê kám-tsîng 毋免别人来解说 m̄-bián pa̍t-lâng lâi kái-sueh 滥糁讲讲咧 lām-sám kóng-kóng--leh 两三句话 nn̄g-sann kù uē
理想一大堆 lí-sióng tsi̍t-tuā-tui 你讲趁钱较实际 lí kóng thàn-tsînn khah si̍t-tsè 快乐的生活 khuài-lo̍k ê sing-ua̍h 是我所欲追求的 sī guá sóo beh tui-kiû--ê 环境是按呢 huân-kíng sī án-ne 著爱面对现实的社会 tio̍h-ài bīn-tuì hiān-si̍t ê siā-huē 你有不得已的苦衷 lí ū put-tik-í ê khóo-thiong 叫我毋通 kiò guá m̄-thang 怪你变甲遮尔济 kuài lí piàn kah tsiah-nī tsuē
喔~歹势 ooh~ pháinn-sè 我家己想伤济 guá ka-kī siūnn siunn tsē 祝福恁逐家 tsiok-hok lín ta̍k-ke
祝福恁每一个 tsiok-hok lín muí tsi̍t-ê 祝福恁逐家 tsiok-hok lín ta̍k-ke 祝福恁逐家 tsiok-hok lín ta̍k-ke
- 感谢 W.B. Chen 修正歌词
- 友站连结: W.B. Chen
|