- 歌词
- 专辑列表
- 歌手介绍
林强
-
温泉乡的枪子
作词:陈世杰/林强 作曲:王治平/林强 编曲:王治平
来来来各位兄弟姊妹我来讲乎您大家听 不是在古早古早是发生在这九十年代的台北城 故事紧张离奇香艳刺激亲像电影在咧头前扮 保证听了乎你粥饭吃(勿会)落归天皮皮掣 我的朋友有一暗说要出门饮酒洗温泉 伊就偷偷啊开车去北投去找伊那个宝贝小心肝 伊讲查某人的身躯每一吋拢烧烫烫像火炭 抱着困拢(勿会)寒比盖三领貂皮要烧热
温泉乡的春色满山岭 温泉乡的枪子黑白弹 黑白弹
枪子枪子黑白弹 枪子黑白弹 枪子枪子黑白弹 枪子黑白弹
他们先在舞厅随着那卡西的音乐跳恰恰 阁来就开着那台红色的Jaguar去KTV来唱歌 两人喝了三罐'伏特加' '祕鲁'差不多嘛有一打外 他们讲按呢还不够爽想要阁去别位饮一摊 他们到底去兜位阁来就没半个人倘知影 大家拢没感觉这竟然是他二人最后一天的性命 他们尸体乎人发现在一间温泉旅社的眠床脚 两人抱做伙腹肚的枪子孔亲像饭碗那么大
温泉乡的春色满山岭 温泉乡的子枪黑白弹 黑白弹
枪子枪子黑白弹 枪子黑白弹 枪子枪子黑白弹 枪子黑白弹
伊绝对想不到伊的最后一摊就是朋友为伊办出山 酒几百打肉几十盘还有电子花车小姐跳舞间脱衫 大家议论纷纷在猜测这桩命案到底是安怎 因为报纸写尬花洒洒 警察嘛尬那会晓讲'对不起,我们还在做调查' 有人讲伊喝酒和人冤家去惹到黑社会老大 有人讲伊身上带着百多万元遇到抢劫的流氓 有人讲他们是一对苦命鸳鸯惊人来拆散 有人讲是伊的牵手派人去解决他们的性命
温泉乡的春色满山岭 温泉乡的枪子黑白弹 黑白弹
枪子枪子黑白弹 枪子黑白弹 枪子枪子黑白弹 枪子黑白弹
后山头的树影晃来晃去好像孤魂野鬼的哭声 一个哭讲还没嫁尪 一个哭讲看不到他的细汉仔 远远不知啥人咧弹吉他 唱起彼条悲情的恋歌 伴着温泉乡的白色烟雾 永远被风吹(勿会)散
温泉乡的春色满山岭 温泉乡的枪子黑白弹 黑白弹 枪子 枪子 黑白弹 枪子黑白弹. . .
温泉乡的枪子 温泉乡的春天 温泉乡的枪子 温泉乡的春天
------------------------------------------
17586/《温柔乡的铳子》Un-jiû-hiong ê Tshìng-tsí 林强Lîm Kiông
来来来 lâi lâi lâi 各位兄弟姊妹 kok-uī hiann-tī-tsí-muē 我来讲予恁逐家听 guá lâi kóng hōo lín ta̍k-ke thiann 毋是咧古早古早 m̄-sī teh kóo-tsá kóo-tsá 是发生伫咧 sī huat-sing tī-leh 九十年代台北城 káu-tsa̍p nî-tāi Tâi-pak-siânn 故事紧张离奇 kòo-sū kín-tiunn lî-kî 芳艳刺激 xiāngyiàn cìjī 亲像电影 tshin-tshiūnn tiān-iánn 伫咧头前搬 tī-leh thâu-tsîng puann 保证听了 pó-tsìng thiann-liáu 予恁糜饭食袂落 hōo lín muê-pn̄g tsia̍h bē-lue̍h 规工咇咇掣 kui-kang phi̍h-phi̍h-tshuah
我的朋友有一暗 guá ê pîng-iú ū-tsi̍t-àm 讲欲出门啉酒洗温泉 kóng beh tshut-mn̂g lim-tsiú sé un-tsuânn 伊就偷偷仔开车去北投 i tiō thau-thau-á khui-tshia khì Pak-tâu 揣怹彼个宝贝的小心肝 tshuē in hit ê pó-puè ê sió-sim-kuann 伊讲查某人的身躯 i kóng tsa-bóo-lâng ê sin-khu 每一寸 muí tsi̍t-tshùn 拢烧烫烫像火炭 lóng sio-thǹg-thǹg tshiūnn hué-thuànn 抱咧困 phō leh khùn 拢袂寒 lóng bē kuânn 比盖三领貂皮 pí kah sann-niá tiau-phî 较烧热 khah sio-jua̍h
温泉乡的春色 un-tsuânn-hiong ê tshun-sik 满山岭 muá suann-niá 温泉乡的铳子 un-tsuânn-hiong ê tshìng-tsí 乌白弹 oo-pe̍h tuānn 乌白弹 oo-pe̍h tuānn
铳子铳子乌白弹 tshìng-tsí tshìng-tsí oo-pe̍h tuānn 铳子乌白弹 tshìng-tsí oo-pe̍h tuānn 铳子铳子乌白弹 tshìng-tsí tshìng-tsí oo-pe̍h tuānn 铳子乌白弹 tshìng-tsí oo-pe̍h tuānn
怹先伫咧舞厅 in sing tī-eh bú-thiann 随着那卡西的音乐 suî-tio̍h na-gá-sih ê im-ga̍k 跳赤赤 thiàu tshiah-tshiah 阁来就开着 koh lâi tiō khui tio̍h 彼台红色的Jaguar hit tâi âng-sik ê Jaguar 去KTV来唱歌 khì KTV lâi tshiùnn-kua 两个啉了三罐Vodka nn̄g-ê lim liáu sann-kuàn Vodka bì-luh差不多嘛有一打外 bì-luh tsha-put-to mā ū tsi̍t-tánn guā 怹讲按呢犹无够爽 in kóng án-ne iáu bô-kàu sóng 想欲阁去别位啉一摊 siūnn-beh koh khì pa̍t-uī lim tsi̍t-thuann
怹到底去佗位 in tàu-té khì tó-uī 阁来就无半个人通知影 koh lâi tiō bô-puànn-ê lâng thang tsai-iánn 逐家拢无感觉 ta̍k-ke lóng bô kám-kak 这竟然是 tse kìng-jiân sī 怹两人最后一工的性命 in nn̄g-lâng tsuè-āu tsi̍t-kang ê sìnn-miā 怹的死体予人发现 in ê sí-thé hōo-lâng huat-hiān 伫一间温泉旅社的眠床跤 tī tsi̍t-king un-tsuânn lú-siā ê bîn-tshn̂g-kha 两人抱做伙 nn̄g-lâng phō tsò-hué 腹肚的铳子空 更多更详尽歌词 在 ※ Mojim.com 魔镜歌词网 pak-tóo ê tshìng-tsí-khang 亲像饭碗遮尔大 tshin-tshiūnn pn̄g-uánn tsiah-nī tuā
温泉乡的春色 un-tsuânn-hiong ê tshun-sik 满山岭 muá suann-niá 温泉乡的铳子 un-tsuânn-hiong ê tshìng-tsí 乌白弹 oo-pe̍h tuānn 乌白弹 oo-pe̍h tuānn
铳子铳子乌白弹 tshìng-tsí tshìng-tsí oo-pe̍h tuānn 铳子乌白弹 tshìng-tsí oo-pe̍h tuānn 铳子铳子乌白弹 tshìng-tsí tshìng-tsí oo-pe̍h tuānn 铳子乌白弹 tshìng-tsí oo-pe̍h tuānn
伊绝对想袂到 i tsua̍t-tuì siūnn bē-kàu 伊的最后一摊 i ê tsuè-āu tsi̍t-thuann 就是朋友为伊办出山 tiō-sī pîng-iú uī i pān tshut-suann 酒规百打 tsiú kui-pah tánn 肉几十盘 bah kuí-tsa̍p puânn 阁有电子花车小姐 koh ū tiān-tsú hue-tshia xiǎojiě 跳舞兼褪衫 thiàu-bú kiam thǹg-sann 逐家议论纷纷 ta̍k-ke gī-lūn hun-hun 咧猜测这层命案 teh tshai-tshik tsit tsân miā-àn 到底是按怎 tàu-té sī-án-tsuánn 因为报纸写甲花嗄嗄 in-uī pò-tsuá siá kah hue-sà-sà 警察嘛干焦会晓讲 kíng-tshat mā kan-na ē-hiáu kóng 对不起我们还在做调查 duìbùqǐ wǒmen hái zài zuò diàotsá
有人讲 ū-lâng kóng 伊啉酒佮人冤家 i lim-tsiú kah lâng uan-ke 去惹著乌社会老大 khì jiá-tio̍h oo-siā-huē láu-tuā 有人讲伊身躯 ū-lâng kóng i sin-khu 有百外万 ū pah-guā-bān 拄著抢劫的鲈鳗 tú-tio̍h tshiúnn-kiap ê lôo-muâ 有人讲 ū-lâng kóng 怹是一对苦命鸳鸯 in sī tsi̍t-tuì khóo-miā uan-iunn 惊人来拆散 kiann lâng lâi thiah-suànn 有人讲 ū-lâng kóng 是伊的牵手 sī i ê khan-tshiú 派人去解决怹的性命 phài lâng khì kái-kuat in ê sìnn-miā
温泉乡的春色 un-tsuânn-hiong ê tshun-sik 满山岭 muá suann-niá 温泉乡的铳子 un-tsuânn-hiong ê tshìng-tsí 乌白弹 oo-pe̍h tuānn 乌白弹 oo-pe̍h tuānn
铳子铳子乌白弹 tshìng-tsí tshìng-tsí oo-pe̍h tuānn 铳子乌白弹 tshìng-tsí oo-pe̍h tuānn 铳子铳子乌白弹 tshìng-tsí tshìng-tsí oo-pe̍h tuānn 铳子乌白弹 tshìng-tsí oo-pe̍h tuānn
后山头的树影 āu suann-thâu ê tshiū-iánn 幌来幌去 hàinn-lâi-hàinn-khì 亲像孤魂野鬼的哭声 tshin-tshiūnn koo-hûn iá-kuí ê khàu-siann 一个哭讲 tsi̍t-ê khàu kóng 伊犹未嫁翁 i á-bē kè-ang 一个哭讲 tsi̍t-ê khàu kóng 看袂著伊的细汉囝 khuànn bē-tio̍h i ê sè-hàn-kiánn 远远毋知 hn̄g-hn̄g m̄-tsai 啥人咧弹吉他 siánn-lâng teh tuânn gì-tah 唱起彼条悲情的恋歌 tshiùnn khí hit tiâu pi-tsîng ê luân-kua 伴着温泉乡的白色烟雾 phuānn tio̍h un-tsuânn-hiong ê pe̍h-sik ian-bū 永远予风吹袂散 íng-uán hōo hong tshue bē-suànn
温泉乡的春色 un-tsuânn-hiong ê tshun-sik 满山岭 muá suann-niá 温泉乡的铳子 un-tsuânn-hiong ê tshìng-tsí 乌白弹 oo-pe̍h tuānn 乌白弹 oo-pe̍h tuānn
铳子铳子乌白弹 tshìng-tsí tshìng-tsí oo-pe̍h tuānn 铳子乌白弹 tshìng-tsí oo-pe̍h tuānn 铳子铳子乌白弹 tshìng-tsí tshìng-tsí oo-pe̍h tuānn 铳子乌白弹 tshìng-tsí oo-pe̍h tuānn
铳子铳子 tshìng-tsí tshìng-tsí 铳子铳子 tshìng-tsí tshìng-tsí 铳子铳子 tshìng-tsí tshìng-tsí 铳子铳子 tshìng-tsí tshìng-tsí 铳子铳子 tshìng-tsí tshìng-tsí
温泉乡的铳子 un-tsuânn-hiong ê tshìng-tsí 乌白弹乌白弹 oo-pe̍h tuānn oo-pe̍h tuānn 温泉乡的春天 un-tsuânn-hiong ê tshun-thinn
温泉乡的铳子 un-tsuânn-hiong ê tshìng-tsí 乌白弹乌白弹 oo-pe̍h tuānn oo-pe̍h tuānn 温泉乡的春天 un-tsuânn-hiong ê tshun-thinn
温泉乡的铳子 un-tsuânn-hiong ê tshìng-tsí 乌白弹 oo-pe̍h tuānn 温泉乡的春天 un-tsuânn-hiong ê tshun-thinn
- 感谢 W.B. Chen 修正歌词
- 友站连结: W.B. Chen
|