- Album Intro
- Lyrics
- Album list
- Singer Intro
李千那
-
千金
Lyricist：吳靜依
Composer：楊世暄
(鼓介合歌滿台前)
(戲棚台框將阮圍)
(不知離別跤步倚)
(望戲團圓值千金)
戲籠貯著悲歡離合
毋知拍開 是一面鏡
照出你無閒的身影
像講戲先生教我分離的劇情
五百分的認真換你五百分的眼神
毋管你搬啥物
我攏是你掌上的千金
車頭的旅客來來去去
毋知欲對佗 款我的行李
先共妳的歌聲做偝巾 思念做車票
一到月台 就拆甲心肝碎糊糊
五百分的情意換你五百分的回應
毋管去到佗位
我攏是你疼惜的千金
敢講我的個性 太過倔強
再見袂癮講
才予你 聽攏無我的寂寞
敢講是我 澹去目箍
目屎衝走阮笑容
才予你 無注意著我的情衷
咧欲煞戲 車嘛欲到位
五百分的回憶加恁五百分的掛心
將我分作兩爿 送予恁
毋管按怎表示
我攏是恁永遠的千金
踮阮心內
妳是不變的唯一
(台跤女兒出台前)
(回頭望向文武爿)
(故事未完猶向望)
(圓滿紲篇靠千斤)
------------------------------------------
23006/《千金》Tshian-kim
李千那Lí Tshian-ná(李千娜)
鼓界合歌滿臺前
kóo-kài ha̍p-kua muá tâi-tsîng
戲棚臺框將阮圍
hì-pênn tâi-khing tsiong gún uî
不知離別跤步倚
put-ti lî-pia̍t kha-pōo uá
望戲團圓值千金
bāng hì tuân-înn ta̍t tshian-kim
-
戲籠貯著悲歡離合
hì-láng té tio̍h pi-huan lî-ha̍p
毋知拍開
m̄-tsai phah-khui
是一面鏡
sī tsi̍t-bīn kiànn
照出你無閒的身影
tsiò tshut lí bô-îng ê sin-iánn
像講戲先生教我
tshiūnn kóng-hì sian-sinn kà guá
分離的劇情
hun-lî ê kio̍k-tsîng
五百分的認真
gōo-pah-hun ê jīn-tsin
Find more lyrics at ※ Mojim.com
換你五百分的眼神
uānn lí gōo-pah-hun ê gán-sîn
毋管你搬啥物
m̄-kuán lí puann siánn-mih
我攏是你掌上的千金
guá lóng-sī lí tsiáng-siōng ê tshian-kim
車頭的旅客來來去去
tshia-thâu ê lí-kheh lâi-lâi-khì-khì
毋知欲對佗款我的行李
m̄-tsai beh tuì tueh khuán guá ê hîng-lí
先共你的歌聲做偝巾
sing kā lí ê kua-siann tsuè āinn-kin
思念做車票
su-liām tsuè tshia-phiò
一到月臺
tsi̍t kàu gua̍t-tâi
就拆甲心肝碎糊糊
tiō thiah kah sim-kuann tshuì-kôo-kôo
五百分的情意
gōo-pah-hun ê tsîng-ì
換你五百分的回應
uānn lí gōo-pah-hun ê huê-ìng
毋管去到佗位
m̄-kuán khì kàu tó-uī
我攏是你疼惜的千金
guá lóng-sī lí thiànn-sioh ê tshian-kim
敢講我的個性
kám-kóng guá ê kò-sìng
太過倔強
thài kuè ku̍t-kiông
再見袂癮講
tsài-kiàn buē-giàn kóng
才予你
tsiah hōo lí
聽攏無我的寂寞
thiann lóng bô guá ê tsi̍k-bo̍k
敢講是我澹去目箍
kám-kóng sī guá tâm khì ba̍k-khoo
目屎沖走阮笑容
ba̍k-sái tshiâng gún tshiò-iông
才予你
tsiah hōo lí
無注意著我的情衷
bô tsù-ì tio̍h guá ê tsîng-thiong
咧欲煞戲
tih-beh suah-hì
車嘛欲到位
tshia mā beh kàu-uī
五百分的回憶
gōo-pah-hun ê huê-ik
加恁五百分的掛心
ke lín gōo-pah-hun ê kuà-sim
將我分做兩爿送予恁
tsiong guá hun-tsò nn̄g-pîng sàng hōo lín
毋管按怎表示
m̄-kuán án-tsuánn piáu-sī
我攏是恁永遠的千金
guá lóng-sī lín íng-uán ê tshian-kim
踮阮心內
tiàm gún sim-lāi
你是不變的唯一
lí sī put-piàn ê uî-it
-
臺跤女兒出臺前
tâi-kha lú-jî tshut tâi-tsîng
回頭望向文武爿
huê-thiô bāng hiòng bûn-bú pîng
故事未完猶向望
kòo-sū bī uân iû ǹg-bāng
圓滿紲篇靠千斤
uân-buán suà-phinn khò thsian-kin
- Special thanks to W.B. Chen for correcting the lyric.
- Related Links： W.B. Chen
|
