Mojim Lyrics
Mojim Lyrics > Asian male singers > 洪一峰 > 洪一峰典藏集2 > 重回的故鄉

洪一峰



Lyrics
Album list
Singer Intro

洪一峰

重回的故鄉

在車窗來看著
故鄉的燈影
為怎樣心肝頭披博彈抹定
彼當時為著傷心出外去打拼
無疑今日倒返來
顛倒費心晟
難忘的這條溪啊
怨嘆水流聲

在崙頭來看著
故鄉的夜景
為怎樣阮一時吐悸嘆悲情
若想起為著女性來誤著前程
可惜今日來出世
堂堂的男兒
閃熾的一粒星啊
對阮表歡迎

在路邊來看著
故鄉的月娘
為怎樣來停腳心內茫茫想
雖然是為著失戀心情真憂愁
能夠今日重新來
抱定好主張
春宵的溫暖風啊
搖動路邊樹



------------------------------------------



《重回故鄉》Tiông-huê Kòo-hiong
洪一峰Âng It-hong

↓↓---(口白)---↓↓
為著女性
uī-tio̍h lú-sìng
為著失戀
uī-tio̍h sit-luân
一時來傷心
tsi̍t-sî lâi siong-sim
就抱定決意
tsiū phō-tiānn kuat-ì
離開故鄉去的男性
lī-khui kòo-hiong khì ê lâm-sìng
經過了一年兩年
king-kè liáu tsi̍t-nî nn̄g-nî
已經倒轉來啦
í-king tó tńg-lâi--lah
感慨無量的心情
kám-khài bû-liōng ê sim-tsîng
來踏入這个故鄉
lâi ta̍h-ji̍p tsit-ê kòo-hiong
啊!怨嘆何用呢
ah! uàn-thàn hô iōng--neh
人生就是奮鬥要緊
jîn-sing tsiū-sī hùn-tàu iàu-kín
自己來重新創造吧
tsū-kí lâi tiông-sin tshòng-tsō--pah
↑↑---(口白)---↑↑

在車窗來看著
tsāi tshia-thang lâi khuànn-tio̍h
Find more lyrics at ※ Mojim.com
故鄉的燈影
kòo-hiong ê ting-iánn
為怎樣心肝頭
uī tsuánn-iūnn sim-kuann-thâu
嗶噗彈袂定
phit-pho̍k tuânn buē tiānn
彼當時
hit-tang-sî
為著傷心
uī-tio̍h siong-sim
出外去拍拚
tshut-guā khì phah-piànn
無疑今仔日倒轉來
bô-gî kia̋nn-ji̍t tò-tńg--lâi
顛倒費心情
tian-tò huì sim-tsiânn
難忘的彼條溪
lân-bōng ê hit tiâu khe
啊~怨嘆水流聲
ah~ uàn-thàn tsuí-lâu siann

在崙頭來看著
tsāi lūn-thâu lâi khuànn-tio̍h
故鄉的夜景
kòo-hiong ê iā-kíng
為怎樣阮一時
uī tsuánn-iūnn gún tsi̍t-sî
吐氣嘆悲情
thóo-khuì thàn pi-tsîng
若想起為著女性
nā siūnn-khí uī-tio̍h lú-sìng
來誤著前程
lâi gōo tio̍h tsiân-tîng
可惜今仔日來
khó-sioh kia̋nn-ji̍t lâi
出世堂堂的男兒
tshut-sì tông-tông ê lâm-jî
閃爍的一粒星
siám-sih ê tsi̍t-lia̍p tshinn
啊~對阮表歡迎
ah~ tuì gún piáu huan-gîng

在路邊來看著
tsāi lōo-pinn lâi khuànn-tio̍h
故鄉的月娘
kòo-hiong ê ge̍h-niû
為怎樣來停跤
uī tsuánn-iūnn lâi thîng-kha
心內茫茫想
sim-lāi bâng-bâng siūnn
雖然是為著失戀
sui-jiân sī uī-tio̍h sit-luân
心情真憂愁
sim-tsîng tsin iu-tshiû
能夠今仔日重新來
lîng-kòo kia̋nn-ji̍t tiông-sin lâi
抱定好主張
phō-tīng hó tsú-tiunn
春宵的溫暖風
tshun-siau ê un-luán hong
啊~搖動路邊樹
ah~ iô-tōng lōo-pinn tshiū

  1. Special thanks to W.B. Chen for correcting the lyric.
  2. Related Links: W.B. Chen