- 專輯介紹
- 歌詞
- 專輯列表
鄭平
-
Sick Of It
作詞:鄭平 作曲:鄭平
妳敢是正經的 抑是假做聽無 藉口牽拖真濟 我才袂驚著 妳激甲遐爾悾 是啥人遮爾戇 愛予妳騙 甲第幾遍 才知妳偌恐怖
兩個人來鬥陣 總是咱的代誌 哪會當來變成 我負全部責任 若袂輸我咧哀求請妳請妳莫離開 這段路哪會走甲遐爾遐爾啊卑微
講袂伸捙血壓催甲盡磅 I can't stand it no more 舞甲透早四點喙角全泡 I'mma lose it, I'm off
妳的目屎已經無啥效 其實妳攏毋知我嘛想欲吼
I'm sick of it all, sick of it all sick of it all, yeah...... I'm sick of it all, sick of it all sick of it all, yeah...... I'm sick of it all, sick of it all sick of it all, yeah......
講一套 做一套 面皮厚厚厚 得一寸 進一尺 吃人夠夠夠
妳逐擺攏講我對妳足重要 但是約束好的煞攏做袂到 敢是我付出的妳閣嫌無夠 到底叫我按怎答應再回頭 毋再回頭 請妳莫一直囉莫閣傷害我的耳仔 (shut up, shut up) 話猶講袂清楚講甲親像三歲囡仔 (grow up, grow up) 一工拖過一工 浪費咱偌濟時間 這款拖磨的生活 妳敢嘛會輕鬆
佇別人面頭前攏袂歹勢 You know how to fake it 明知咱的關係遮濟問題 I dare you to face it
妳的目屎已經無啥效 其實妳攏毋知我嘛想欲吼 I'm sick of it all, sick of it all sick of it all, yeah...... I'm sick of it all, sick of it all sick of it all, yeah...... I'm sick of it all, sick of it all sick of it all, yeah......
------------------------------------------
22773/《Sick Of It》 鄭平Tēnn Pîng
你敢是正經的 lí kám-sī tsìng-king--ê 抑是假做聽無 ia̍h-sī ké-tsò thiann-bô 借口牽拖真濟 tsioh-kháu khan-thua tsin tsē 我才袂驚著 guá tsiah bē kiann--tio̍h 你激甲遐爾悾 lí kik kah hiah-nī khong 是啥人遮爾戇 sī siánn-lâng tsiah-nī gōng 愛予你騙到第幾遍 ài hōo lí phiàn kàu tē-kuí piàn 才知你偌恐怖 tsiah tsai lí guā khióng-pòo
兩个人來鬥陣 nn̄g-ê lâng lâi tàu-tīn 總是咱的代誌 tsóng--sī lán ê tāi-tsì 哪會當來變成 ná ē-tàng lâi piàn-sîng 我負全部責任 guá hū tsuân-pōo tsik-jīm 若袂輸我咧哀求 ná-bē-su guá teh ai-kiû 請你請你莫離開 tshiánn lí tshiánn lí mài lī-khui 這段路哪會行甲 tsit tuānn lōo ná ē kiânn kah 遐爾遐爾仔卑微 hiah-nī hiah-nī-á pi-bî
更多更詳盡歌詞 在 ※ Mojim.com 魔鏡歌詞網 講袂伸捙 kóng bē tshun-tshia 血壓催甲盡磅 hueh-ap tshui kah tsīn-pōng I can't stand it no more 舞甲透早四點 bú kah thàu-tsá sì-tiám 喙角全泡 tshuì-kak tsuân pho I'mma lose it, I'm off
你的目屎 lí ê ba̍k-sái 已經無啥效 í-king bô siánn hāu 其實你攏毋知 kî-si̍t lí lóng m̄-tsai 我嘛想欲吼 guá mā siūnn-beh háu I'm sick of it all, sick of it all sick of it all, yeah I'm sick of it all, sick of it all sick of it all, yeah I'm sick of it all, sick of it all sick of it all, yeah yeah
講一套 kóng tsi̍t-thò 做一套 tsò tsi̍t-thò 面皮厚厚厚 bīn-phuê ka̋u-kāu-kāu 得一寸 tit tsi̍t-tshùn 進一尺 tsìn tsi̍t-tshioh 食人夠夠夠 tsia̍h-lâng kàu-kàu-kàu
你逐擺攏講 lí ta̍k-pái lóng kóng 我對你足重要 guá tuì lí tsiok tiōng-iàu 但是約束好的 tān-sī iok-sok hó--ê 煞攏做袂到 suah lóng tsò bē-kàu 敢是我付出的 kám-sī guá hù-tshut--ê 你閣嫌無夠 lí koh hiâm bô-kàu 到底叫我 tàu-té kiò guá 按怎答應再回頭 án-tsuánn tah-ìng tsài huê-thâu 毋再回頭 m̄ tsài huê-thâu
請你莫一直囉 tshiánn lí mài it-ti̍t lō 莫閣傷害我的耳仔 mài koh siong-hāi guá ê hīnn-á shut up, shut up 話猶講袂清楚 uē iáu kóng bē tshing-tshó 講甲親像三歲囡仔 kóng kah tshin-tshiūnn sann-huè gín-á grow up, grow up 一工拖過一工 tsi̍t-kang thua kuè tsi̍t-kang 浪費咱偌濟時間 lōng-huì lán guā-tsē sî-kan 這款拖磨的生活 tsit khuán thua-buâ ê sing-ua̍h 你敢嘛會輕鬆 lí kám mā ē khin-sang
佇別人面頭前 tī pa̍t-lâng bīn-thâu-tsîng 攏袂歹勢 lóng bē pháinn-sè You know how to fake it 明知咱的關係 bîng-tsai lán ê kuan-hē 遮濟問題 tsiah tsē būn-tê I dare you to face it
你的目屎 lí ê ba̍k-sái 已經無啥效 í-king bô siánn hāu 其實你攏毋知 kî-si̍t lí lóng m̄-tsai 我嘛想欲吼 guá mā siūnn-beh háu I'm sick of it all, sick of it all sick of it all, yeah I'm sick of it all, sick of it all sick of it all, yeah I'm sick of it all, sick of it all sick of it all, yeah, yeah
- 感謝 W.B. Chen 修正歌詞
- 友站連結: W.B. Chen
|