- 專輯介紹
- 歌詞
- 專輯列表
- 歌手介紹
蘇明淵
-
歹路毋通行
作詞:蘇明淵 作曲:蘇明淵
我迷失佇這个花花世界 無人疼無人愛 相信來去參加幫派 行路就會囂俳 路邊的電火柱仔下跤有人咧等我 欲我去拜關公 刣雞咒誓咱就是兄弟 命交予天安排 喔~我叫做阿弟仔 恁會聽著我的名聲
我行踏在這个黑暗世界 歹代誌項項來 有恩報恩有仇嘛愛報仇 心事無人知 阮兜的巷仔口外面有人咧等我 欲招我去拚輸贏 起跤動手硬拄硬了後 我揹兩條人命 喔~是非自有論 善惡隨心分 莫走~
我覕佇這个小小世界 吃白飯配鹹菜 人生若是會當重來 我無欲閣行一擺 房間的電火球仔下跤有人咧等我 因若會攏無跤 夢醒以後我才知影 歹路毋通行 喔~人牽毋行 鬼~牽咧溜溜行 莫走~
------------------------------------------
9695/《歹路毋通行》Pháinn-lōo M̄-thang Kiânn 蘇明淵Soo Bîng-ian
我迷失佇這个花花世界 guá bê-sit tī tsit ê hua-hua sè-kài 無人疼無人愛 bô-lâng thiànn bô-lâng ài 相信來去參加幫派 siong-sìn lâi-khì tsham-ka pang-phài 行路就會囂俳 kiânn-lōo tō ē hiau-pai
路邊的電火柱仔下跤 lōo-pinn ê tiān-hué-thiāu-á ē-kha 有人咧等我 ū-lâng teh tán guá 欲我去拜關公 beh guá khì pài Kuan-kong 刣雞咒誓 thâi-ke tsiù-tsuā 咱就是兄弟 lán tō-sī hiann-tī 命交予天安排 miā kau hōo thinn an-pâi
喔~我叫做阿弟仔 ooh ~guá kiò-tsuè a-tī-á 恁會聽著我的名聲 lín ē thiann-tio̍h guá ê miâ-siann
我行踏佇這个烏暗世界 guá kiânn-ta̍h tī tsit ê oo-àm sè-kài 歹代誌項項來 pháinn tāi-tsì hāng-hāng lâi 有恩報恩 ū un pò-un 有仇嘛愛報仇 ū siû mā ài pò-siû 心事無人知 sim-sū bô-lâng tsai 更多更詳盡歌詞 在 ※ Mojim.com 魔鏡歌詞網
阮兜的巷仔口外面 gún tau ê hāng-á-kháu guā-bīn 有人咧等我 ū-lâng teh tán guá 欲招我去拚輸贏 beh tsio guá khì piànn-su-iânn 起跤動手硬拄硬了後 khí-kha-tāng-tshiú ngē-tú-ngē liáu-āu 我揹兩條人命 guá phāinn nn̄g-tiâu lâng-miā
喔~是非自有論 ooh~ sī-hui tsū iú lūn 善惡隨心分 siān-ok suî sim hun 莫走 mài tsáu
我覕佇這个小小世界 guá bih tī tsit ê sió-sió sè-kài 食白飯配鹹菜 tsia̍h pe̍h-pn̄g phuè kiâm-tshài 人生若是會當重來 jîn-sing nā-sī ē-tàng tîng-lâi 我無欲閣行一擺 guá bô beh koh kiânn tsi̍t-pái
房間的電火球仔下跤 pâng-king ê tiān-hué-kiû-á ē-kha 有人咧等我 ū-lâng teh tán guá 怹哪會攏無跤 in ná ē lóng bô kha 夢醒以後 bāng-tshínn í-āu 我才知影 guá tsiah tsai-iánn 歹路毋通行 pháinn-lōo m̄-thang kiânn
喔~人牽毋行 ooh~ lâng khan m̄-kiânn 鬼牽咧遛遛行 kuí khan leh liù-liù kiânn
房間的電火球仔下跤 pâng-king ê tiān-hué-kiû-á ē-kha 有人咧等我 ū-lâng teh tán guá 怹哪會攏無跤 in ná ē lóng bô kha 夢醒以後 bāng-tshínn í-āu 我才知影 guá tsiah tsai-iánn 歹路毋通行 pháinn-lōo m̄-thang kiânn
夢醒以後 bāng-tshínn í-āu 我才知影 guá tsiah tsai-iánn 歹路毋通行 pháinn-lōo m̄-thang kiânn
莫走 mài tsáu
- 感謝 W.B. Chen 修正歌詞
- 友站連結: W.B. Chen
|