- 专辑介绍
- 歌词
- 专辑列表
- 歌手介绍
吴淑敏
-
下车
作词:吴嘉祥 作曲:吴嘉祥
你将车停置路边 点烟吐著大气 有话欲讲 搁吞落去 我嘛希望你甭提起
窗外开始落雨 阮的心肝越艰苦 希望你会冻对我讲 你甲伊只是一时的糊涂
你对阮唱过的情歌 甘有同款唱乎伊听 这片你我散步的海岸 甘也有恁行过的形影
甭讲阮放你受孤单 咱的约束讲过准煞 既然这条情路遐歹行 到这挡定 放阮下车
你对阮讲过的情话 甘有对伊搁讲一摆 这条你我秘密的小路 甘也是恁约会的所在
甭讲阮放你受孤单 咱的约束讲过准煞 既然这条情路遐歹行 到这挡定 放阮下车 管伊外面有雨路歹行 到这挡定 放阮下车
------------------------------------------
《落车》Lo̍h-tshia 吴淑敏Ngôo Siok-bín
你将车停伫路边 lí tsiong tshia thîng tī lōo-pinn 点薰吐著大气 tiám-hun thóo tio̍h tuā-khuì 有话欲讲 ū uē beh kóng 阁吞落去 koh thun--lo̍h-khì 我嘛希望 guá mā hi-bāng 你莫提起 lí mài thê-khí
窗外开始落雨 thang-guā khai-sí lo̍h-hōo 阮的心肝愈艰苦 gún ê sim-kuann jú kan-khóo 希望你会当对我讲 hi-bāng lí ē-tàng tuì guá kóng 你佮伊 lí kah i 只是一时的糊涂 tsí-sī tsi̍t-sî ê hôo-tôo
更多更详尽歌词 在 ※ Mojim.com 魔镜歌词网 你对阮唱过的情歌 lí tuì gún tshiùnn kuè ê tsîng-kua 敢有仝款唱予伊听 kám ū kāng-khuán tshiùnn hōo i thiann 这片你我散步的海岸 tsit phìnn lí guá sàn-pōo ê hái-huānn 敢也有恁行过的形影 kám iā ū lín kiânn--kuè ê hîng-iánn
莫讲阮放你受孤单 mài-kóng gún pàng lí siū koo-tuann 咱的约束讲过准煞 lán ê iok-sok kóng--kuè tsún-suah 既然这条情路遐歹行 kì-jiân tsit tiâu tsîng-lōo hiah pháinn-kiânn 到遮挡定 kàu tsia tòng-tiānn 放阮落车 pàng gún lo̍h-tshia ---
你对阮讲过的情话 lí tuì gún kóng--kuè ê tsîng-uē 敢有对伊阁讲一摆 kám ū tuì i koh kóng tsi̍t-pái 这条你我秘密的小路 tsit tiâu lí guá pì-bi̍t ê sió-lōo 敢也是恁约会的所在 kám iā-sī lín iok-huē ê sóo-tsāi
莫讲阮放你受孤单 mài-kóng gún pàng lí siū koo-tuann 咱的约束 lán ê iok-sok 讲过准煞 kóng--kuè tsún-suah 既然这条情路 kì-jiân tsit tiâu tsîng-lōo 遐歹行 hiah pháinn-kiânn 到遮挡定 kàu tsia tòng-tiānn 放阮落车 pàng gún lo̍h-tshia
管伊外面有雨 kuán i guā-bīn ū hōo 路歹行 lōo pháinn-kiânn 到遮挡定 kàu tsia tòng-tiānn 放阮下车 pàng gún lo̍h-tshia
- 感谢 W.B. Chen 修正歌词
- 友站连结: W.B. Chen
|