- 专辑介绍
- 歌词
- 专辑列表
台北调
-
阮住伫艋舺(劳动服务)
作词：鱼仔林、尤宝
作曲：鱼仔林、圣哲
编曲：鱼仔林、圣哲、尤宝
阮住伫艋舺 正港的老台北
凯达格兰族所讲的小船仔
生理人 位清朝开始来到这
商业大城 顶港有名声
同安 三邑人 不时相拍相嚷
一屏拜城隍 一屏拜青山王
顶郊下郊抢地盘 杀甲掠狂
煞去牵拖着 安溪的祖师公
港仔尾 是阮生长的角头
西园国小 万中 是我的母校
麻竹豆菜 品质乎人会顿头
加蚋仔公学校 野球是上介敖
老师常常跟阮讲东区较进步
人的囝仔三不五时就出国去憩陶
阮同学 逐工下课拢去庙仔憩陶
人伫补英语 尹伫阵头学撞鼓
一府二鹿三艋舺
台北的起头就伫这
时代按怎变化阮无伫惊
带着传统文化向前行
民主圣地的称呼 阮感觉骄傲
Nylon先生伫这 发起绿色行动
政治犯的血 盖伫溪边彼堆土
人权绝对袂当搁行回头路
都市翻新 红瓦厝变作大楼
旧地图跟庙会界定古早的庄头
过去冤仇化解伫咧大拜拜
早就无人伫计较 谁慢到谁先来
现主时的艋舺大道 古早是铁枝路
日本式的老车头 已经寻无
大理街的店仔拢伫卖衫仔裤
社区意识 保存了老糖厂的仓库
阮第一摆的唸歌表演伫西门町
巷仔内壁面 艺术家的喷漆作品
电影公园内底DJ放著老唱片
B BOY尬舞 随时拢会当开始
一府二鹿三艋舺
台北的起头就伫这
时代按怎变化阮无伫惊
带着传统文化向前行
WE LIVE IN 艋舺 BABY
台北的BROOKLYN BABY
WE LIVE IN 艋舺 BABY
台北的BROOKLYN BABY
谁讲台北城 拢无人情味
欢迎来这 走寻古城的滋味
青年公园 听三叔公唸歌诗
龙山寺口 跟欧吉桑讲政治
老社区的价值 等阮来发现
无是一直起新厝 较叫作发展
文化的资源 乎人会欣羡
大声讲出我是艋舺人 毋免歹势
-----------------------------------------
作词：鱼仔林、尤宝
作曲：鱼仔林、圣哲
编曲：鱼仔林、圣哲、尤宝
《阮蹛伫艋舺》Guán Tuà Tī Báng-kah
劳动服务乐团 Lô-tōng Ho̍k-bū Ga̍k-thuân
↓↓(RAP)---(RAP)---(RAP)↓↓
阮蹛伫艋舺
gún tuà tī Báng-kah
正港的老台北
tsiànn-káng ê lāu Tâi-pak
凯达格兰族
Khái-ta̍t-kik-lân tso̍k
所讲的小船仔
sóo kóng ê sió-tsûn-á
生理人
sing-lí-lâng
对清朝开始来到遮
uì Tshing-tiâu khai-sí lâi-kàu tsia
商业大城
siong-gia̍p tuā siânn
顶港有名声
tíng-káng ū miâ-siann
同安三邑人
Tâng-uann, Sam-ip lâng
不时相拍相嚷
put-sî sio-phah sio-jiáng
一爿拜城隍
tsi̍t-pîng pài Sîng-hông
一爿拜青山王
tsi̍t-pîng pài Tshinn-suann-ông
顶郊下郊抢地盘
Tíng-kau Ē-kau tshiúnn tē-puânn
刣甲掠狂
thâi kah lia̍h-kông
煞去牵拖着
suah khì khan-thua tio̍h
安溪的祖师公
An-khue ê Tsóo-su-kong
港仔尾
Káng-á-bué
是阮生长的角头
sī gún senn-tióng ê kak-thâu
西园国小万中
Se-hn̂g Kok-sió, Bān-tiong
是我的母校
sī guá ê bô-hāu
麻竹豆菜
muâ-tik tāu-tshài
品质予人会頕头
phín-tsit hōo-lâng ē tìm-thâu
加蚋仔公学校
Ka-la̍h-á kong-ha̍k-hāu
野球是上盖𠢕
iá-kiû sī siōng-kài gâu
老师定定共阮讲
lāu-su tiānn-tiānn kā gún kóng
东区较进步
Tang-khu khah tsìn-pōo
人的囡仔三不五时
lâng ê gín-á sam-put-gōo-sî
就出国去𨑨迌
tiō tshut-kok khì tshit-thô
阮同学逐工下课
gún tông-o̍h ta̍k-kang hā-khò
拢去庙仔𨑨迌
lóng khì biō-á tshit-thô
人咧补英语
lâng teh póo Ing-gí
怹咧阵头学挵鼓
in teh tīn-thâu o̍h lòng-kóo
↑↑(RAP)---(RAP)---(RAP)↑↑
一府二鹿三艋舺
it Hú, jī Lo̍k, sann Báng-kah
台北的起头就伫遮
Tâi-pak ê khí-thâu tiō tī tsia
时代按怎变化
sî-tāi án-tsuánn piàn-huà
阮无咧惊
gún bô leh kiann
带着传统文化
tuà tio̍h thuân-thóng bûn-huà
向前行
更多更详尽歌词 在 ※ Mojim.com 魔镜歌词网
hiòng-tsiân kiânn
一府二鹿三艋舺
it Hú, jī Lo̍k, sann Báng-kah
台北的起头就伫遮
Tâi-pak ê khí-thâu tiō tī tsia
时代按怎变化
sî-tāi án-tsuánn piàn-huà
阮无咧惊
gún bô leh kiann
带着传统文化
tuà tio̍h thuân-thóng bûn-huà
向前行
hiòng-tsiân kiânn
↓↓(RAP)---(RAP)---(RAP)↓↓
民主圣地的称呼
bîn-tsú sìng-tē ê tshing-hoo
阮感觉骄傲
gún kám-kak kiau-ngōo
Nylon先生伫遮
Nylon sian-sinn tī tsia
发起绿色行动
huat-khí li̍k-sik hîng-tōng
政治犯的血
tsìng-tī-huān ê hueh
崁伫溪边彼堆涂
khàm tī khe-pinn hit tui thóo
人权绝对袂当
jîn-khuân tsua̍t-tuì buē-tàng
阁行回头路
koh kiânn huê-thâu-lōo
都市翻新
too-tshī huan-sin
红瓦厝变做大楼
âng-hiā-tshù piàn-tsò tuā-lâu
旧地图佮庙会
kū tē-tôo kah biō-huē
界定古早的庄头
kài-tīng kóo-tsá ê tsng-thâu
过去冤仇
kuè-khì uan-siû
化解伫咧大拜拜
huà-kái tī-leh tuā-pài-pài
早就无人咧计较
tsá tiō bô-lâng teh kè-kàu
谁慢到谁先来
siáng bān kàu, siáng sing lâi
现此时的艋舺大道
hiān-tshú-sî ê Báng-kah-tuā-tō
古早是铁枝路
kóo-tsá sī thih-ki-lōo
日本式的老车头
ji̍t-pún-sik ê lāu tshia-thâu
已经揣无
í-king tshē-bô
大理街的店仔
Tāi-lí-ke ê tiàm-á
有咧卖衫仔裤
ū leh bē sann-á-khòo
社区意识
siā-khu ì-sik
保存了老糖厂的仓库
pó-tsûn liáu lāu thn̂g-tshiúnn ê tshng-khòo
阮第一摆的唸歌表演
gún tē-it pái ê liām-kua piáu-ián
踮西门町
tiàm Se-mn̂g-ting
巷仔内壁面
hāng-á-lāi piah-bīn
艺术家的喷漆作品
gē-su̍t-ka ê phùn-tshat tsok-phín
电影公园内底
tiān-iánn kong-hn̂g lāi-té
DJ放著老唱片
DJ pàng tio̍h lāu tshiùnn-phìnn
B Boy较舞
B Boy kah-bú
随时拢会当开始
suî-sî lóng ē-tàng khai-sí
↑↑(RAP)---(RAP)---(RAP)↑↑
一府二鹿三艋舺
it Hú, jī Lo̍k, sann Báng-kah
台北的起头就伫遮
Tâi-pak ê khí-thâu tiō tī tsia
时代按怎变化
sî-tāi án-tsuánn piàn-huà
阮无咧惊
gún bô leh kiann
带着传统文化
tuà tio̍h thuân-thóng bûn-huà
向前行
hiòng-tsiân kiânn
一府二鹿三艋舺
it Hú, jī Lo̍k, sann Báng-kah
台北的起头就伫遮
Tâi-pak ê khí-thâu tiō tī tsia
时代按怎变化
sî-tāi án-tsuánn piàn-huà
阮无咧惊
gún bô leh kiann
带着传统文化
tuà tio̍h thuân-thóng bûn-huà
向前行
hiòng-tsiân kiânn
We Live in 艋舺 Baby
We Live in Báng-kah, Baby
台北的Brooklyn, Baby
Tâi-pak ê Brooklyn Baby
We Live in 艋舺 Baby
We Live in Báng-kah, Baby
台北的Brooklyn, Baby
Tâi-pak ê Brooklyn Baby
↓↓(RAP)---(RAP)---(RAP)↓↓
谁讲台北城
siáng kóng Tâi-pak-siânn
拢无人情味
lóng bô jîn-tsîng-bī
欢迎来遮
huan-gîng lâi tsia
走揣古城的滋味
tsáu-tshuē kóo-siânn ê tsu-bī
青年公园
Tshing-liân Kong-hn̂g
听三叔公唸歌诗
thiann sann-tsik-kong liām kua-si
龙山寺口
Liông-san-sī kháu
佮欧吉桑讲政治
kah oo-jí-sáng kóng tsìng-tī
老社区的价值
lāu siā-khu ê kè-ta̍t
等阮来发现
tán gún lâi huat-hiān
毋是一直起新厝
m̄-sī it-ti̍t khí sin-tshù
才叫做发展
tsiah kiò-tsuè huat-tián
文化的资源
bûn-huà ê tsu-guân
予人会欣羡
hōo-lâng ē him-siān
大声讲出我是艋舺人
tuā-siann kóng-tshut guá sī Báng-kah-lâng
毋免歹势
m̄-bián pháinn-sè
↑↑(RAP)---(RAP)---(RAP)↑↑
- 感谢 W.B. Chen 修正歌词
- 友站连结： W.B. Chen
|
