- 专辑介绍
- 歌词
- 专辑列表
- 歌手介绍
邵大伦
-
食饱未
作词:邵大伦、武雄 作曲:邵大伦
一句邀请的话 食饱未 无就佮我做伙 做伙来走揣 台湾头佮台湾尾好料的 早顿中昼喑顿宵夜 食饱未
免讲彼济 咱上在地 做伙踅踅咧 有啥物问题 大位你坐 我来奉茶 食饭皇帝大 万事拢OK
上界亲切的话 食饱未 毋管食饱犹未 咱拢来遮坐 台湾味佮人情味是有够济 乡亲序大厝边隔壁 食饱未
(口白) 来来来来来 自古以来 民以食为天 对有毛食甲棕蓑 有毒的食甲刺䲅 会飞的食甲鸡胿 会行的食甲电梯 细间的食到路边 大间的食到百货公司 有人早顿爱食咖啡 有人暗顿食到三更 有人食粽爱配芫荽 有人食糜爱配面麶 有人相吣 食著胭脂啊
鱼鱼肉肉 著爱菜甲 一人食一半 感情较袂散 食饱困 困饱食 食饱饱 等放假 有放假 紧来揣我 我攒好料的予你食
这片土地 温暖的家 全世界的朋友 拢是咱的兄弟姊妹 有闲爱相揣 无闲敲电话 千言万语 嘛是这句话
有够古锥的话 食饱未 阿公阿妈阿伯阿姆 食饱未 哥哥姊姊弟弟妹妹 食饱未 亲情五⼗朋友一百 食饱未
woo oh woo woo oh woo woo oh woo 早顿中昼喑顿宵夜 食饱未
------------------------------------------
20343/《食饱未》Tsia̍h-pá--buē 邵大伦Siō Tāi-lûn
一句邀请的话 tsi̍t-kù iau-tshiánn ê uē 食饱未 tsia̍h-pá--buē 无就佮我做伙 bô tiō kah guá tsuè-hué 做伙来走揣 tsuè-hué lâi tsáu-tshuē 台湾头佮台湾尾 Tâi-uân-thâu kah Tâi-uân-bué 好料的 hó-liāu--ê 早顿中昼 tsá-tǹg tiong-tàu 暗顿宵夜 àm-tǹg siau-iā 食饱未 tsia̍h-pá--buē
免讲遐济 bián-kóng hiah tsuē 咱上在地 lán siōng tsāi-tē 做伙踅踅咧 tsuè-hué se̍h-se̍h--leh 有啥物问题 ū siánn-mih būn-tê 大位你坐 tuā-uī lí tsē 啊我来奉茶 ah guá lâi hōng-tê 食饭皇帝大 tsia̍h-pn̄g hông-tè tuā 万事拢OK bān-sū lóng OK
上界亲切的话 siōng kài tshin-tshiat ê uē 食饱未 tsia̍h-pá--buē 毋管食饱抑未 m̄-kuán tsia̍h-pá ia̍h buē 咱拢来遮坐喔 lán lóng lâi tsia tsē--ooh 台湾味佮人情味 Tâi-uân-bī kah jîn-tsîng-bī 是有够济 sī ū-kàu tsē 乡亲序大 hiong-tshin sī-tuā 厝边隔壁 tshù-pinn keh-piah 食饱未 tsia̍h-pá--buē
↓↓(口白)---(口白)---(口白)↓↓ 来来来来来来 lâi lâi lâi lâi lâi lâi 自古以来 tsū-kóo í-lâi 民以食为天 bîn í si̍t uî thinn 对有毛食到棕蓑 tuì ū moo tsia̍h kah tsang-sui 有毒的食到刺䲅 ū-to̍k--ê tsia̍h kah tshì-kui 更多更详尽歌词 在 ※ Mojim.com 魔镜歌词网 会飞的食到鸡胿 ē-pue--ê tsia̍h kah ke-kui 会行的食到电梯 ē-kiânn--ê tsia̍h kah tiān-thui 细间的 sè-king--ê 食到路边 tsia̍h kàu lōo-pinn 大间的 tuā-king--ê 食到百货公司 tsia̍h kàu pah-huè-kong-si
有人早顿爱食咖啡 ū-lâng tsá-tǹg ài tsia̍h ka-pi 有人暗顿食到三更 ū-lâng àm-tǹg tsia̍h kàu sann-kinn 有人食粽爱配芫荽 ū-lâng tsia̍h tsàng ài phuè iân-sui 有人食糜爱配面麶 ū-lâng tsia̍h muê ài phuè mī-thi 有人相吣 ū-lâng sio-tsim 食著胭脂啊 tsia̍h-tio̍h ian-tsi--ah ↑↑(口白)---(口白)---(口白)↑↑
鱼鱼肉肉 hî-hî bah-bah 著爱菜佮 tio̍h-ài tshài kah 一人食一半 tsi̍t-lâng tsia̍h tsi̍t-puànn 感情较袂散 kám-tsîng khah buē-suànn 食饱困 tsia̍h-pá khùn 困饱食 khùn-pá tsia̍h 食饱饱 tsia̍h pá-pá 等放假 tán pàng-ká 有放假 ū pàng-ká 紧来揣我 kín lâi tshuē guá 我攒好料的 guá tshuân hó-liāu--ê 予你食 hōo lí tsia̍h
这片土地 tsit phiàn thóo-tē 温暖的家 un-luán ê ke 全世界的朋友 tsuân sè-kài ê pîng-iú 拢是咱的兄弟姊妹 lóng-sī lán ê hiann-tī-tsí-muē 有闲爱相揣 ū-îng ài sio-tshuē 啊无闲就敲电话 ah bô-îng tō khà-tiān-uē 千言万语 tshian-giân bān-gí 嘛是这句话 mā sī tsit kù uē
有够古锥的话 ū-kàu kóo-tsui ê uē 食饱未 tsia̍h-pá--buē 阿公阿妈 a-kong a-má 阿伯阿姆 a-peh a-ḿ 食饱未 tsia̍h-pá--buē 哥哥姊姊 ko-ko tse-tse 弟弟妹妹 ti-ti me-me 食饱未 tsia̍h-pá--buē 亲情五十 tshin-tsiânn gōo-tsa̍p 朋友一百 pîng-iú tsi̍t-pah 食饱未 tsia̍h-pá--buē
喔喔~ ooh-ooh~ 喔喔喔~ ooh-ooh ooh~ 喔喔~ ooh-ooh~ 喔喔喔~ ooh-ooh ooh~ 喔喔~ ooh-ooh~ 喔喔喔~ ooh-ooh ooh~
早顿中昼 tsá-tǹg tiong-tàu 暗顿宵夜 àm-tǹg siau-iā 食饱未 tsia̍h-pá--buē
- 感谢 W.B. Chen 修正歌词
- 友站连结: W.B. Chen
|