- 专辑介绍
- 歌词
- 专辑列表
- 歌手介绍
王俊杰
-
添丁发财
作词：武雄
作曲：王俊杰
编曲：王俊杰
阮朋友因阿公今年九十外 细汉的时阵讲是大尾鲈鳗
彼个时代做兄弟不比这嘛 人伊是重情重义阁重因阿嬷
听讲日本时代生活盖硬斗 顶悬有够鸭霸下面搁出一阵走狗
古意的乡亲乎因欺负到到 嘛只有放惦心内偷偷仔谯
(么寿哦)这是什么情形 哪会黑甲白拢分袂清
(肿颌哦)这是什么情形 哪会生意人你这呢黑心
(哭腰啦)这是什么情形 哪会抬头我拢看无光明
(侥幸哦)若搁这呢酷刑 保庇恁半瞑去堵到廖添丁
一九四五年阿本离开台湾 因阿公放一挂炮仔讲有四楼悬
想讲搁来日子会卡好讨赚 所以赶紧娶因阿嬷来入洞房
隔顶年阮朋友因爸就来出世 号名叫做添丁有两层意义
望伊招小弟 望伊行侠仗义 因为换人统治日子并无卡舒适
(豪洨啦)这是什么情形 每个月总赚嘛拢无够用
(抗议啦)这是什么情形 人的厝共拆掉你欲安怎还
(鸭霸啦)这是什么情形 竟然麻杉脱乎别人穿
(无效啦)若搁这呢酷刑 总有一天大家拢变做廖添丁
廖添丁奉杀死彼年二十六岁 是兄弟加创空去做廖爬
这件代志乎因阿爸感慨真多 社会黑暗利益永远胜过黑白
阮朋友出世彼年时机足歹 因阿爸讲海海人生人生海海
既然不是讲情讲义的时代 添丁爸的后生阮朋友叫做发财
发财驶著伊的发财仔车 南北二路四界去赚吃
偏偏这嘛 不但钱歹赚 油是贵甲鬼仔强欲抓
发财驶著伊的发财仔车 南北二路四界去赚吃
偏偏这嘛 不但钱歹赚 大细项物件嘛拢不敢吃
发财驶著伊的发财仔车 南北二路四界去赚吃
偏偏这嘛 不但钱歹赚 连厝嘛拢无所在通好企
发财驶著伊的发财仔车 南北二路四界去赚吃
偏偏这嘛 不但钱歹赚 纳的税搁乎人拿去黑白撒
(白贼啦)这是什么问题 哪会逐项物件拢起彼多
(白目哦)这是什么问题 哪会赚钱无够囝仔读册
(嘿白痴)这是什么问题 哪会有人归工拢咧练疯话
(落台啦)若搁惦彼靠北 莫怪四界拢是廖添丁的子弟
-------------------------------------------------
《添丁发财》Thiam-ting Huat-tsâi
王俊杰Ông Tsùn-kia̍t
阮朋友怹阿公今年九十外
gún pîng-iú in a-kong kin-nî káu-tsa̍p-guā
细汉的时阵讲是大尾鲈鳗
sè-hàn ê sî-tsūn kóng sī tuā-bué lôo-muâ
彼个时代做兄弟毋比这马
hit-ê sî-tāi tsò hiann-tī m̄-pí tsit-má
人伊是重情重义阁重怹阿妈
lâng i sī tāng tsîng tāng gī koh tāng in a-má
听讲日本时代生活盖硬笃
thiann-kóng Ji̍t-pún Sî-tāi sing-ua̍h kài ngē-táu
顶悬有够压霸
tíng-kuân ū-kàu ah-pà
下面阁出一阵走狗
ē-bīn koh tshut tsi̍t-tīn tsáu-káu
古意的乡亲予怹欺负到够
kóo-ì ê hiong-tshin hōo in khi-hū kàu-kàu
嘛只有囥踮心内偷偷仔挢
mā tsí-ū khǹg tiàm sim-lāi thau-thau-á kiāu
夭寿喔
iáu-siū--ooh
这是啥物情形
tse sī siánn-mih tsîng-hîng
哪会乌佮白拢分袂清
ná ē oo kah pe̍h lóng hun buē tshing
肿颔喔
tsíng-ām--ooh
这是啥物情形
tse sī siánn-mih tsîng-hîng
哪会生理人你遮尔乌心
ná ē sing-lí-lâng lí tsiah-nī oo-sim
哭枵啦
khàu-iau--lah
这是啥物情形
tse sī siánn-mih tsîng-hîng
哪会攑头我拢看无光明
ná ē gia̍h-thâu guá lóng khuànn-bô kong-bîng
侥幸喔
hiau-hīng--ooh
若阁遮尔酷刑
nā koh tsiah-nī khok-hîng
保庇恁半暝去拄著廖添丁
pó-pì lín puànn-mî khì tú-tio̍h Liāu Thiam-ting
一九四五年阿本仔离开台湾
it-kiú sù-ngóo nî a-pún-á lī-khui Tâi-uân
怹阿公放一捾炮仔讲有四楼悬
in a-kong pàng tsi̍t-kuānn phàu-á kóng ū sì-lâu kuân
想讲阁来日子会较好讨趁
siūnn-kóng koh-lâi ji̍t-tsí ē khah hó thó-thàn
所以赶紧娶怹阿妈来入洞房
sóo-í kuánn-kín tshuā in a-má lâi ji̍p tōng-pông
隔转年阮朋友怹爸仔就来出世
keh-tńg-nî gún pîng-iú in pā-á tiō lâi tshut-sì
更多更详尽歌词 在 ※ Mojim.com 魔镜歌词网
号名叫做添丁有两层意义
hō-miâ kiò-tsuè Thiam-ting ū nn̄g-tsân ì-gī
望伊招小弟
bāng i tsio sió-tī
望伊行侠仗义
bāng i hîng-kiap tiōng-gī
因为换人统治
in-uī uānn lâng thóng-tī
日子并无较四序
ji̍t-tsí pīng bô khah sù-sī
嘐潲啦
hau-siâu--lah
这是啥物情形
tse sī siánn-mih tsîng-hîng
每个月总趁嘛拢无够用
muí kò gue̍h tsóng thàn mā lóng bô-kàu īng
抗议啦
khòng-gī--lah
这是啥物情形
tse sī siánn-mih tsîng-hîng
人的厝共拆掉你欲按怎还
lâng ê tshù kā thiah-tiāu lí beh án-tsuánn hîng
压霸啦
ah-pà--lah
这是啥物情形
tse sī siánn-mih tsîng-hîng
竟然麻衫褪予别人穿
kìng-jiân muâ-sann thǹg hōo pa̍t-lâng tshīng
无效啦
bô-hāu--lah
若阁遮尔酷刑
nā koh tsiah-nī khok-hîng
总有一工逐家拢变做廖添丁
tsóng ū tsi̍t-kang ta̍k-ke lóng piàn-tsò Liāu Thiam-ting
廖添丁夆刣死彼年二十六岁
Liāu Thiam-ting hông thâi--sí hit nî jī-tsa̍p-la̍k huè
是兄弟共创空去做抓耙
sī hiann-tī kā tshòng-khang khì tsò jiàu-pê
这件代志予怹爸仔感慨真济
tsit kiānn tāi-tsì hōo in pā-á kám-khài tsin tsē
社会乌暗利益永远胜过乌白
siā-huē oo-àm lī-ik íng-uán sìng-kuè oo-pe̍h
阮朋友出世彼年时机足䆀
gún pîng-iú tshut-sì hit nî sî-ki tsiok bái
怹阿爸讲海海人生人生海海
in a-pah kóng hái-hái jîn-sing jîn-sing hái-hái
既然毋是讲情讲义的时代
kì-jiân m̄-sī kóng-tsîng kóng-gī ê sî-tāi
添丁爸仔的后生阮朋友叫做发财
Thiam-ting pā-á ê hāu-senn gún pîng-iú kiò-tsuè Huat-tsâi
发财驶著伊的发财仔车
Huat-tsâi sái tio̍h i ê huat-tsâi-á tshia
南北二路四界去趁食
lâm-pak jī-lōo sì-kè khì thàn-tsia̍h
偏偏这马毋但钱歹趁
phian-phian tsit-má m̄-nā tsînn pháinn thàn
油是贵甲鬼仔强欲掠
iû sī kuì kah kuí-á kiōng-beh lia̍h
发财驶著伊的发财仔车
Huat-tsâi sái tio̍h i ê huat-tsâi-á tshia
南北二路四界去趁食
lâm-pak jī-lōo sì-kè khì thàn-tsia̍h
偏偏这马毋但钱歹趁
phian-phian tsit-má m̄-nā tsînn pháinn thàn
大细项物件拢嘛毋敢食
tuā-sè hāng mi̍h-kiānn lóng mā m̄-kánn tsia̍h
发财驶著伊的发财仔车
Huat-tsâi sái tio̍h i ê huat-tsâi-á tshia
南北二路四界去趁食
lâm-pak jī-lōo sì-kè khì thàn-tsia̍h
偏偏这马毋但钱歹趁
phian-phian tsit-má m̄-nā tsînn pháinn thàn
连厝嘛拢无所在通好徛
liân tshù mā lóng bô sóo-tsāi thang-hó khiā
发财驶著伊的发财仔车
Huat-tsâi sái tio̍h i ê huat-tsâi-á tshia
南北二路四界去趁食
lâm-pak jī-lōo sì-kè khì thàn-tsia̍h
偏偏这马毋但钱歹趁
phian-phian tsit-má m̄-nā tsînn pháinn thàn
纳的税阁予人提去乌白掖
la̍p ê suè koh hōo-lâng the̍h-khì oo-pe̍h iā
白贼啦
pe̍h-tsha̍t--lah
这是啥物问题
tse sī siánn-mih būn-tê
哪会逐项物件拢起遐济
ná ē ta̍k hāng mi̍h-kiānn lóng khí hiah tsuē
白目喔
pe̍h-ba̍k--ooh
这是啥物问题
tse sī siánn-mih būn-tê
哪会趁钱无够囡仔读册
ná ē thàn-tsînn bô-kàu gín-á tha̍k-tsheh
遐白痴
hiah pe̍h-tshi
这是啥物问题
tse sī siánn-mih būn-tê
哪会规工有人咧练痟话
ná ē kui kang ū-lâng teh liān-siáu-uē
落台啦
lo̍h-tâi--lah
若阁踮遐哭爸
nā koh tiàm hia khàu-pē
莫怪四界拢是廖添丁的子弟
bo̍k-kuài sì-kè lóng-sī Liāu Thiam-ting ê tsú-tē
- 感谢 W.B. Chen 修正歌词
- 友站连结： W.B. Chen
|
