- 专辑介绍
- 歌词
- 专辑列表
- 歌手介绍
许富凯
-
我毋是你想的遐尔快乐
作词:武雄 作曲:游鸿明 编曲:蔡科俊
闹热的城市 寂寞倚伫窗仔边 外面足繁华 心拍开是稀微 一个人面对 所有的期待 欲揣谁讨论 欲揣谁支持 欲揣谁安排
凌乱的心事 一直掩崁在心内 爱你的心情 你敢欲听看觅 因为真重要 所以讲三遍(摆) 希望你感受 希望你体会 希望你了解
我毋是你想的遐尔快乐 想来真歹势 煞来予你失望 当初咱的梦 讲过的约束 会当为你做的 我一定会尽量
我毋是你想的遐尔快乐 我嘛真感谢 感谢你的祝福 虽然世间事 难免有阻碍会受伤 有你的鼓励 我就充满力量
我毋是你想的 我毋是你想的遐尔快乐 我嘛真拍拼 一直毋敢失约 无论这条路 有偌济寂寞 会当有你爱过 就是我的幸福
我毋是你想的遐尔快乐 我嘛真感谢 感谢你的体谅 面对咱的梦 一切尽在不言中 希望你继续 阁再予我力量 希望你的爱 阁再予我力量
------------------------------------------
《我毋是你想的遐尔快乐》Guá M̄-sī Lí Siūnn--ê Hiah-nī Khuài-lo̍k 许富凯Khóo Hù-khái
闹热的城市 lāu-jia̍t ê siânn-tshī 寂寞倚伫窗仔边 tsi̍k-bo̍k uá tī thang-á-pinn 外面足繁华 guā-bīn tsiok huân-huâ 心拍开是稀微 sim phah-khui sī hi-bî 一个人面对 tsi̍t-ê-lâng bīn-tuì 所有的期待 sóo-ū ê kî-thāi 欲揣谁讨论 beh tshuē siáng thó-lūn 欲揣谁支持 beh tshuē siáng tsi-tshî 欲揣谁安排 beh tshuē siáng an-pâi
凌乱的心事 lîng-luān ê sim-sū 一直掩崁在心内 it-ti̍t am-khàm tsāi sim-lāi 爱你的心情 ài lí ê sim-tsîng 你敢欲听看觅 lí kám beh thiann khuànn-māi 因为足重要 in-uī tsiok tiōng-iàu 所以讲三遍(摆) sóo-í kóng sann-piàn(-pái) 希望你感受 hi-bāng lí kám-siū 希望你体会 更多更详尽歌词 在 ※ Mojim.com 魔镜歌词网 hi-bāng lí thé-huē 希望你了解 hi-bāng lí liáu-kái
我毋是你想的 guá m̄-sī lí siūnn ê 遐尔快乐 hiah-nī khuài-lo̍k 想来真歹势 siūnn--lâi tsin pháinn-sè 煞来予你失望 suah lâi hōo lí sit-bōng 当初咱的梦 tong-tshoo lán ê bāng 讲过的约束 kóng--kuè ê iok-sok 会当为你做的 ē-tàng uī lí tsuè--ê 我一定会尽量 guá it-tīng ē tsīn-liōng
我毋是你想的 guá m̄-sī lí siūnn ê 遐尔快乐 hiah-nī khuài-lo̍k 我嘛真感谢 guá mā tsin kám-siā 感谢你的祝福 kám-siā lí ê tsiok-hok 虽然世间事 sui-jiân sè-kan-sū 难免有阻碍会受伤 lân-bián ū tsóo-gāi ē siū-siong 有你的鼓励 ū lí ê kóo-lē 我就充满力量 guá tiō tshiong-buán li̍k-liōng ---
我毋是你想的 guá m̄-sī lí siūnn ê 我毋是你想的 guá m̄-sī lí siūnn ê 遐尔快乐 hiah-nī khuài-lo̍k 我嘛真拍拼 guá mā tsin phah-piànn 一直毋敢失约 it-ti̍t m̄-kánn sit-iok 无论这条路 bô-lūn tsit tiâu lōo 有偌济寂寞 ū guā-tsuē tsi̍k-bo̍k 会当有你爱过 ē-tàng ū lí ài--kuè 就是我的幸福 tiō-sī guá ê hīng-hok
我毋是你想的 guá m̄-sī lí siūnn--ê 遐尔快乐 hiah-nī khuài-lo̍k 我嘛真感谢 guá mā tsin kám-siā 感谢你的体谅 kám-siā lí ê thé-liōng 面对咱的梦 bīn-tuì lán ê bāng 一切尽在不言中 it-tshè tsīn tsāi put-giân tiong
希望你继续 hi-bāng lí kè-sio̍k 阁再予我力量 koh-tsài hōo guá li̍k-liōng 希望你的爱 hi-bāng lí ê ài 阁再予我力量 koh-tsài hōo guá li̍k-liōng
- 感谢 W.B. Chen 修正歌词
- 友站连结: W.B. Chen
|