- Lyrics
- Album list
丁黛
-
溫泉鄉之愁
8294/《溫泉鄉之愁》Un-tsuânn-hiong tsi Tshiû
丁黛Ting Tāi
月光暝山風微微
ge̍h-kng-mî suann-hong bî-bî
溫泉旅社磺水味
un-tsuânn lú-siā hông-tsuí bī
聽見走唱唸歌詩
thiann-kìnn tsáu-tshiūnn liām kua-si
引阮心稀微
ín gún sim hi-bî
想欲佮伊來相見
siūnn-beh kah i lâi sio-kìnn
路途遙遠來揣伊
lōo-tôo iâu-uán lâi tshuē i
真無疑毋知佗去
tsin bô-gî m̄-tsai toh khì
誤阮走千里
gōo gún tsáu tshian-lí
無情的燈火光光
bô-tsîng ê ting-hué kng-kng
照在旅社埕園
tsiò tsāi lú-siā tiânn-hn̂g
踮在異鄉無人問
tiàm-tsāi ī-hiong bô-lâng mn̄g
倚在窗仔門
uá tsāi thang-á-mn̂g
Find more lyrics at ※ Mojim.com
伊佮我敢無緣份
i kah guá kám bô iân-hūn
痛苦心情亂紛紛
thòng-khóo sim-tsîng luān-hun-hun
翻來翻去袂愛睏
huan-lâi-huan-khì buē ài-khùn
靜靜等天光
tsīng-tsīng tán thinn-kng
無聊的異鄉秋天
bô-liâu ê ī-hiong tshiu-thinn
蟲隻半暝仔吼吱吱
thâng-tsiah puànn-mî-á háu ki-ki
伴阮心內的悲意
phuānn gún sim-lāi ê pi-ì
夜鶯咧吼啼
iā-ing teh háu-thî
等何時會得再相見
tán hô-sî ē-tit tsài sio-kìnn
傷心目屎暗暗滴
siong-sim ba̍k-sái àm-àm tih
怨恨伊無情無義
uàn-hūn i bô-tsîng bô-gī
暗吟斷腸詩
àm gîm tuān-tn̂g-si
- Special thanks to W.B. Chen for correcting the lyric.
- Related Links： W.B. Chen
|
