- Lyrics
- Album list
- Singer Intro
王心心
-
山險峻
山險峻 滾門：中滾(十三腔)
(王昭君出塞和番，沿途抒發思憶漢王、痛恨奸臣毛延壽之悲憤心情。
)
山險峻，路斜欹。
為著紅顏，阮那為著紅顏到只。
爹媽！媽親！恁值去？袂得相見，阮袂得見媽恁一面。
[豆寸]耐延壽你做事可不是，騙金不就，騙金那不就，起有虎狼心意。
虧阮、那虧阮一身到今旦阮袂得相見。
恨煞奸臣毛延壽，你掠阮一家來拆散，遭流離。
阮身到只，今卜怙誰通訴起？思憶劬勞，思憶父母兄共弟。
去到陰司，阮就去到陰司，一點靈魂卜來見我媽親。
Find more lyrics at ※ Mojim.com
今旦來到只，今旦來到雁門關，那見曠野雲飛，牧馬鳴悲。
對只雁門關，舉目一看，黑水滔天，越惹得阮思憶君親個情緒紛紛，今卜值處通訴起。
阮一身恰親像花正開，遇著風擺搖枝，又親像許中秋月正光，卻被許雲遮烏暗時，值時阮會得相見面，
除非著蝴蝶夢裏化作鴛鴦，枕上即會鸞鳳棲止。
嗏！恨煞毛延壽，即會行來到只，你掠阮一對鴛鴦拆散做二邊。
苦痛傷悲，目滓如珠淚滴淋漓。
見許旌旗閃閃，旌旗閃閃，金鼓喧鬧，嗡！
虧、虧阮一身來到只，只處無興又無采。
四覓無親，阮舉目無親，今卜怙誰人？阮四覓亦都無親，今卜怙誰人通訴起？
-
|
