- Lyrics
- Album list
恆春兮
-
新聞插播
【崗山仔消息】
崗山仔這陣子蠓也真濟，也害得瘦猴因為蠓也，遂來住院。根據春桃講，
伊昨夜暗合茨邊頭尾置得門口庭泡茶、話仙，想未到有一隻不知也死活的蠓也，
竟然歇置瘦猴兮面，欲叮瘦猴。春桃看到十分兮受氣，我兮翁哪會當予蠓也欺負，
所以一掌巴去，蠓也當場死亡，但是瘦猴續來腦震盪，經過送醫治療，已經無大礙囉！
【獅甲消息】
前鎮第七分局今日拿著一個大陸兮偷渡客。根據警方表示，巡邏車經過獅甲國中附近，
看到一個中年人穿著獅甲國中兮體育衫，感覺奇怪所以進行盤查。
由於這個中年人口音真奇怪，懷疑是大陸偷渡客，不正警方問伊穿兮這領衫頂懸兮字何若唸，
想未到這個大陸兮偷渡客竟然用半成白兮台語，將獅甲國中唸做中國食屎，
翻做北京語叫做中國甲獅，隨後警方將這位大陸偷渡客帶回分局訊問。
【東榮科技公司】
為了降低失業率，配合政府兮政策，特別辦理就業希望工程，
對外招募五百人到西子灣推海湧，予平靜兮海，更加更有特色，
Find more lyrics at ※ Mojim.com
東榮科技公司負責人黃東榮先生表示，伊更過一陣子更會招募五百人，
去算天星有幾粒，若失業兮聽眾朋友，請注意本台新聞報導。
【氣象報導】
根據住置左營翠峰社區的阿桑A寇合恆春兮講，伊這幾工骨頭攏會酸疼，
所以明天一定會落雨。這是伊得風濕十幾年來兮經驗，
恆春兮置這提醒明天欲出門兮聽眾朋友會記著齎雨衣、雨傘。
風颱動態，真久無置空中合咱聽眾朋友見面兮風颱摩令固，
前幾工E-MAIL予恆春兮，要我置空中向各位聽眾朋友請安問好。
伊說過一陣子伊更會再出江湖，恆春兮置這較僭權，
替聽眾朋友向摩令固問好。若欲知也風颱最新動態，請鎖定本颱風颱動態兮報導。
以上是咱蕃薯之聲廣播電台本部獨家所提供，由本台特派記者恆春兮為恁採訪報導烏白來新聞，感謝收聽。
-
|
