- 歌詞
- アルバムリスト
- 歌手の紹介
郭大誠
-
一樣米飼百樣人
作詞：郭林
作曲：郭大誠
《一樣米飼百樣人》Tsi̍t-iūnn Bí Tshī Pah-siūnn lâng
郭大誠Kueh Tāi-sîng
一樣米飼百樣人
tsi̍t-iūnn bí tshī pah-siūnn lâng
形形色色在世間
hîng-hîng-sik-sik tsāi sè-kan
有人好額有人散
ū-lâng hó-gia̍h ū-lâng sàn
有人出世心茫茫
ū-lâng tshut-sì sim bâng-bâng
來來聽我講
lâi-lâi thiann guá kóng
毋是我放放
m̄-sī guá hòng-hòng
有人認真拍拚趁
ū-lâng jīn-tsin phah-piànn thàn
有人欲食毋振動
ū-lâng beh tsia̍h m̄ tín-tāng
毋振動
m̄ tín-tāng
↓↓(口白)---(口白)---(口白)↓↓
人講人生在世是若眠夢
lâng kóng jîn-sing tsāi-sè sī ná bîn-bāng
一樣米是飼百樣人
tsi̍t-iūnn bí sī tshī pah-siūnn lâng
有人生做真消瘦
ū-lâng senn-tsò tsin siau-sán
不時都咧食補藥丸
put-sî to teh tsia̍h póo-io̍h-uân
毋過嘛有彼號小姐人
m̄-koh mā ū hit-lō sió-tsiá-lâng
嫌自己傷豐滿
hiâm tsū-kí siunn hong-buán
才來佇咧節食
tsiah lâi tī-leh tsiat-si̍t
枵甲真悽慘
iau kah tsin tshinn-tshám
腹肚是束甲絚絚絚
pak-tóo sī sok kah a̋n-ân-ân
有人真有責任感
ū-lâng tsin ū tsik-jīm-kám
每日認真拍拚趁
muí-ji̍t jīn-tsin phah-piànn thàn
猶嘛有人欲食毋振動
iáu mā ū-lâng beh tsia̍h m̄ tín-tāng
開錢欲閣大範
khai-tsînn beh koh tuā-pān
這種人啊
tsit-tsióng lâng--ah
傾家蕩產是緊早慢
khing-ka-tōng-sán sī kín-tsá-bān
有人生做真悲觀
もっと沢山の歌詞は ※ Mojim.com
ū-lâng senn-tsò tsin pi-kuan
目睭不時吊懸懸
ba̍k-tsiu put-sî tiàu kuân-kuân
憂頭結面失戀款
iu-thâu-kat-bīn sit-luân khuán
真是自己咧揣麻煩
tsin sī tsū-kí teh tshē mâ-huân
有人每日心茫茫
ū-lâng muí-ji̍t sim bâng-bâng
到處情絲亂亂放
tò-tshú tsîng-si luān-luān pàng
鴛鴦情索烏白牽
uan-iunn tsîng-soh oo-pe̍h khan
佮人佇咧生死戀
kah lâng tī-leh sinn-sí luân
相招欲跳港
sio-tsio beh thiàu-káng
跳無拄好挵著跤縫
thiàu bô-tú-hó lòng-tio̍h kha-phāng
隨時大細聲咧叫救人
suî-sî tuā-sè-siann teh kiò kiù-lâng
這種人算來嘛真悽慘
tsit-tsióng lâng sǹg lâi mā tsin tshinn-tshám
人講一樣米是飼百樣人
lâng kóng tsi̍t-iūnn bí sī tshī pah-siūnn lâng
形形色色在世間
hîng-hîng-sik-sik tsāi sè-kan
總是做好人稱讚
tsóng--sī tsuè-hó lâng tshing-tsán
做歹人怨嘆
tsuè-pháinn lâng uàn-thàn
搶人偷人仙毋通
tshiúnn--lâng thau--lâng sian m̄-thang
才袂臭名規世人
tsiah buē tshàu-miâ kui-sì-lâng
↑↑(口白)---(口白)---(口白)↑↑
一樣米飼百樣人
tsi̍t-iūnn bí tshī pah-siūnn lâng
形形色色在世間
hîng-hîng-sik-sik tsāi sè-kan
人生宛如萬花筒
jîn-sing uán-jû bān-hua-tâng
人生宛如一場望
jîn-sing uán-jû tsi̍t-tiûnn bāng
來來聽我講
lâi-lâi thiann guá kóng
毋是我放放
m̄-sī guá hòng-hòng
做人應該愛輕鬆
tsò-lâng ìng-kai ài khin-sang
才有快樂的希望
tsiah ū khuài-lo̍k ê hi-bāng
的希望
ê hi-bāng
- W.B. Chen の歌詞提供に感謝
- ウェブリンク： W.B. Chen
全てのコメント ( 1 )
|
