- 歌詞
- アルバムリスト
- 歌手の紹介
郭大誠
-
糊塗總鋪師
作詞：郭大誠
作曲：郭大誠
人人叫我是總舖師
上界出名世賢煮菜
料理好吃是蓋全台
名聲轟動是全世界
來來來 手拿菜刀 對這來
是因為那個漏腳才他子娶太太
才叫我這個糊塗ㄟ總舖師 要來辦酒菜
熊供走入造腳內 酸醋拿來試看賣
氣味擱不錯
難怪查某人吃醋ㄟ時準 才會那麼可愛
我ㄟ料理是奇奇假怪怪 有吃過ㄟ人都會知
呀那不吃過ㄟ人請恁試看賣
台先鴨蛋來卡破 賣煎鴨蛋參麵線
鴨蛋下鼎是比波彈 白仁走四散 紅仁才參頭出來看
看看看
這齣是腰子炒豬肝 豬肝著要炒厚爛爛
才不損害著阿婆ㄟ嘴齒岸
剎下去 這齣著是紅燒魚五柳枝
酸醋加四兩二 才ㄟ凍治療XXX
擱來這齣龍蝦炒姑菜
凡是不夠力ㄟ尪婿 吃料後才不免擱再驚太太
來哦~今呀日最重要ㄟ著是這齣美國來ㄟ火雞
這隻火雞 毛長著特別豔麗
我想說要來挽幾支起來 送阮那個
呀不擱 這隻火雞真壞性地
我毛假蔡一支 伊加我豆一下
蔡二支 加我豆二下
我人氣加伊修面剔嘴巴
呀這隻美國火雞實在有影不要X
毛都拔廖廖了
也敢逃亡到大街
害我追加喘XX
我按捺沿路追 伊按捺沿路走沿路飛
可比世界的運動會
說起來實在真笑虧
這隻火雞剎博落起臭溝啊底
我趕緊利用這個機會 加抓返來用洗衣機一直洗
奇怪啊 洗半點外鐘久 氣味仙洗就洗未退
人客客廳坐 等加供供要發性地
叫我趕緊出火雞
我就阿奈乾乾脆脆三十六刀七十二塊
快速駛豔火 做好才加捧出起請人客
嘿人客看著是美國火雞 阿奈 大家相擠夾
踢踢咧歸嘴配 踢了後才知影氣味有問題
想說要吐出來 又擱驚歹勢啊
只好目睭吉客客 大ㄟ加伊吞落起腹肚底
順剎呃樂我這咧總舖師ㄟ好手藝
也會曉煮這樂美國來ㄟ火雞
人人叫我是總舖師
上界出名世賢煮菜
料理好吃是蓋全台
名聲轟動是全世界
先生食著笑咳咳
小姐食著好體材
囝仔食著真可愛
不信請恁試看覓
-------------------------------------------
作詞：郭大誠
作曲：郭大誠
《糊塗總鋪師》Hôo-tôo Tsóng-phòo-sai
郭大誠 Kueh Tāi-sîng
人人叫我是總舖師
lâng-lâng kiò guá sī tsóng-phòo-sai
上蓋出名是賢煮菜
siōng-kài tshut-miâ sī gâu tsú-tshài
料理好食是蓋全臺
liāu-lí hó-tsia̍h sī kài tsuân-Tâi
名聲轟動是全世界
miâ-siann hong-tōng sī tsuân-sè-kài
↓↓(口白)---(口白)---(口白)↓↓
來來來
lâi, lâi, lâi
手攑菜刀
tshiú gia̍h tshài-to
對遮來
tuì tsia lâi
是因為彼個躼跤才
sī in-uī hit-ê Lò-kha-Tsâi
怹囝娶太太
in kiánn tshuā thài-thài
才叫我這個
tsiah kiò guá tsit-ê
糊塗的總舖師
hôo-tôo ê tsóng-phòo-sai
欲來辦酒菜
beh lâi pān tsiú-tshài
兇狂行入灶跤內
hiong-kông kiânn-ji̍p tsàu-kha lāi
酸醋提來試看覓
sng-tshòo the̍h-lâi tshì-khuànn-māi
氣味閣袂䆀
khì-bī koh buē-bái
莫怪查某人
bo̍k-kuài tsa-bóo-lâng
食醋的時陣
tsia̍h-tshòo ê sî-tsūn
才會遐可愛
tsiah-ē hiah khó-ài
我的料理
guá ê liāu-lí
是奇奇佮怪怪
sī kî-kî kah kuài-kuài
有食過的人攏會知
ū tsia̍h--kuè ê lâng lóng ē tsai
啊若無食過的人
ah-nā bô tsia̍h--kuè ê lâng
請恁試看覓
tshiánn lín tshì-khuànn-māi
代先鴨卵來敲破
tāi-sing ah-nn̄g lâi khà-phuà
欲煎鴨卵摻麵線
beh tsian ah-nn̄g tsham mī-suànn
鴨卵落鼎是嗶噗彈
ah-nn̄g lo̍h-tiánn sī pi̍t-phok tuānn
白仁走四散
pe̍h-jîn tsáu sì-suànn
紅仁才探頭出來看
âng-jîn tsiah tham-thâu tshut-lâi khuànn
看看看
khuànn, khuànn, khuànn
這齣是腰子炒豬肝
tsit tshut sī io-tsí tshá ti-kuann
豬肝著愛炒予爛爛
ti-kuann tio̍h-ài tshá hōo nuā-nuā
才袂損害著
tsiah buē sún-hāi tio̍h
阿婆的喙齒岸
a-pô ê tshuì-khí-huānn
紲落去這齣
suà--lo̍h-khì tsit tshut
就是紅燒魚五柳枝
tiō-sī âng-sio-hî ngóo-liú-ki
酸醋加四兩二
sng-tshòo ka sì-niú-jī
才會當治療病相思
tsiah ē-tàng tī-liâu pīnn-siunn-si
もっと沢山の歌詞は ※ Mojim.com
閣來這齣
koh lâi tsit tshut
龍蝦炒韭菜
lîng-hê tshá kú-tshài
凡是無夠力的翁婿
huân-sī bô-kàu-la̍t ê ang-sài
食了後
tsia̍h liáu-āu
才毋免閣再驚太太
tsiah m̄-bián koh-tsài kiann thài-thài
來喔~
lâi--ooh~
今仔日最重要的
kin-á-ji̍t tsuè tiōng-iàu--ê
就是這齣
tsiū-sī tsit tshut
美國來的火雞
Bí-kok lâi ê hué-ke
這隻火雞
tsit tsiah hué-ke
毛生做特別豔麗
moo senn tsò ti̍k-pia̍t iām-lê
我想講
guá siūnn-kóng
欲共挽幾枝仔起來
beh kā bán kuí ki-á khí-lâi
送阮彼個
sàng gún hit-ê
猶毋過
iáu-m̄-koh
這隻火雞
tsit tsiah hué-ke
誠歹性地
tsiânn pháinn-sìng-tē
我毛共掣一枝
guá moo kā tshuah tsi̍t-ki
伊共我啄一個
i kā guá tok tsi̍t-ê
掣兩枝
tshuah nn̄g-ki
共我啄兩個
kā guá tok nn̄g-ê
我人去共伊修面剃喙䫌
guá lâng khì kā-i siu-bīn thì tshuì-phé
啊這隻美國火雞
ah tsit tsiah Bí-kok hué-ke
實在有影袂曉衰
si̍t-tsāi ū-iánn bē-hiáu sue
毛都掣了了囉
moo to tshuah liáu-liáu--loh
也敢逃亡到大街
iā kánn tô-bông kàu tuā-ke
害我逐甲喘怦怦
hāi guá jik kah tshuán-phēnn-phēnn
我沿路逐
guá iân-lōo jik
伊按呢沿路走
i án-ne iân-lōo tsáu
沿路飛
iân-lōo pue
可比世界的運動會
khó-pí sè-kài ê ūn-tōng-huē
講起來實在真笑詼
kóng--khí-lâi si̍t-tsāi tsin tshiò-khue
這隻火雞
tsit tsiah hué-ke
煞跋落去臭溝仔底
suah pua̍h lo̍h-khì tshàu-kau-á té
我趕緊利用這個機會
guá kuánn-kín lī-iōng tsit-ê ki-huē
共掠轉來
kā lia̍h tńg-lâi
用洗衣機一直洗
iōng sé-i-ki it-ti̍t sé
奇怪啊
kî-kuài--ah
洗半點外鐘久
sé puàn-tiám-guā tsing kú
氣味仙洗都洗袂退
khì-bī sian sé to sé bē thè
人客客廳坐
lâng-kheh kheh-thiann tsē
等甲強強欲發性地
tán kah kiōng-kiōng-beh huat-sìng-tē
叫我趕緊出火雞
kiò guá kuánn-kín tshut hué-ke
我就按呢乾乾脆脆
guá tsiū-án-ne kan-kan-tshè-tshè
三十六刀
sann-tsa̍p-la̍k to
七十二塊
tshit-tsa̍p-jī tè
快速使炎火
khuài-sok sái iām-hué
做好
tsò hó
才共捀出去請人客
tsiah kā phâng tshut-khì tshiánn-lâng-kheh
彼人客看著是美國火雞
he lâng-kheh khuànn-tio̍h sī Bí-kok hué-ke
按呢逐家相爭夾
án-ne ta̍k-ke sio-tsinn ngeh
窒窒咧規喙䫌
that-that--leh kui tshuì-phé
窒了後
that liáu-āu
才知影氣味有問題
tsiah tsai-iánn khì-bī ū būn-tê
想講欲吐出來
siūnn-kóng beh thòo--tshut-lâi
又閣驚歹勢啊
iū-koh kiann pháinn-sè--ah
只好目睭激瞌瞌
tsí-hó ba̍k-tsiu kik kheh-kheh
大個共伊吞落去腹肚底
tuā-ê kā-i thun lo̍h-khì pak-tóo-té
順紲呵咾
sūn-suà o-ló
我這個總舖師的好手藝
guá tsit-ê tsóng-phòo-sai ê hó tshiú-gē
也會曉煮這號美國來的火雞
iā ē-hiáu tsú tsit-lō Bí-kok lâi ê hué-ke
↑↑(口白)---(口白)---(口白)↑↑
人人叫我是總舖師
lâng-lâng kiò guá sī tsóng-phòo-sai
上蓋出名是𠢕煮菜
siōng-kài tshut-miâ sī gâu tsú-tshài
料理好食是蓋全臺
liāu-lí hó-tsia̍h sī kài tsuân-Tâi
名聲轟動是全世界
miâ-siann hong-tōng sī tsuân-sè-kài
先生食著笑咍咍
sian-sinn tsia̍h tio̍h tshiò-hai-hai
小姐食著好體材
sió-tsiá tsia̍h tio̍h hó thé-tsâi
囡仔食著真可愛
gín-á tsia̍h tio̍h tsin khó-ài
毋信請恁試看覓
m̄ sìn, tshiánn lín tshì-khuànn-māi
- W.B. Chen の歌詞訂正に感謝
- ウェブリンク： W.B. Chen
|
