- 歌詞
- 專輯列表
打狗亂歌團
-
店仔口的青春歌
彼一暝我又擱轉來這 隨著月娘ㄟ腳步踏入這ㄟ溫度 亭仔腳彼葩火泡仔催著我 店仔口ㄟRadio 思念ㄟ歌 流浪ㄟ囝仔想欲轉來乎你看 一坑八肚牽著兩個猴囝仔 乎我強未記你是我上好ㄟ囝仔伴 香腸攤仔的炭火猶原赫呢大 今仔換殷大漢ㄟ後生值底捍 殷兩個老仔 惦至厝罔騙孫啊 店仔口ㄟ青春歌故事唱未煞 清水仔表兄彼隻老吉他 鋼弦生鏽攏沒換 店仔口ㄟ青春歌 歲月相替換 卡早你按達阮置台下 今啊換你唱乎你聽 彼一暝我又擱轉來這 看著阿爸率親戚來作陣來喊聲 阿姐跟我講這是伊ㄟ囝仔 趕緊叫阿舅大漢教你唸歌 咱嘛欲置故乎人拍噗仔 店仔口ㄟ青春歌 故事唱未煞 來來去去ㄟ老戲班 故事續落去扮 店仔口ㄟ青春歌 歲月相替換 卡早你安達阮置台下 今啊換阮唱乎你聽
------------------------------------------
12800/《店仔口的青春歌》Tiàm-á-kháu ê Tshing-tshun Kua 嚴詠能Giâm Īng-lîng
彼一暝 hit tsi̍t-mî 我又閣轉來遮 guá iū-koh tńg-lâi tsia 綴著月娘的跤步 tuè tio̍h gue̍h-niû ê kha-pōo 踏入遮个溫度 ta̍h-ji̍p tsia ê un-tōo 亭仔跤彼葩電火泡仔 tîng-á-kha hit pha tiān-hué-phok-á 催著我 tshui tio̍h guá 店仔口的la-jí-iooh tiàm-á-kháu ê la-jí-iooh 數念的歌 siàu-liām ê kua 予流浪的囡仔 hōo liû-lōng ê gín-á 想欲轉來予你看 siūnn-beh tńg-lâi hōo lí khuànn
一圈腹肚 tsi̍t-khian pak-tóo 牽著兩个猴囡仔 khan-tio̍h nn̄g-ê kâu-gín-á 予我強欲袂記 hōo guá kiông-beh bē-kì 你是我 lí sī guá 上好的囡仔伴 siōng-hó ê gín-á-phuānn 煙腸擔仔的炭火 ian-tshiân-tànn-á ê thuànn-hué 猶原遐爾大 iu-guân hiah-nī tuā 今仔換怹大漢的後生 kin-á uānn in tuā-hàn ê hāu-sinn 佇遮扞 更多更詳盡歌詞 在 ※ Mojim.com 魔鏡歌詞網 tī tsia huānn 怹兩个老的 in nn̄g-ê lāu--ê 踮佇厝 tiàm-tī tshù 罔騙孫仔 bóng phiàn sun-á
店仔口的青春歌 tiàm-á-kháu ê tshing-tshun kua 故事唱袂煞 kòo-sū tshiùnn bē-suah 清水仔表兄 Tshing-tsuí--á piáu-hiann 彼支老吉他 hit ki lāu gì-tah 鋼線生鉎攏無換 kǹg-suànn senn-sian lóng bô uānn 店仔口的青春歌 tiàm-á-kháu ê tshing-tshun kua 歲月相替換 suè-gua̍t sio-thè-uānn 較早你安搭阮佇臺跤 khah-tsá lí an-tah gún tī tâi-kha 這馬換阮唱予你聽 tsit-má uānn gún tshiùnn hōo lí thiann
彼一暝 hit tsi̍t-mî 我又閣轉來遮 guá iū-koh tńg-lâi tsia 看著阿爸𤆬親情 khuànn-tio̍h a-pah tshuā tshin-tsiânn 鬥陣來喝聲 tàu-tīn lâi huah-siann 阿姊共阮講 a-tsí kā gún kóng 這是伊的囡仔 tse sī i ê gín-á 趕緊叫阿舅 kuánn-kín kiò a-kū 大漢教咱唸歌 tuā-hàn kà lán liām-kua 咱嘛欲佇故鄉 lán mā beh tī kòo-hiong 予人拍噗仔 hōo-lâng phah-pho̍k-á ---
店仔口的青春歌 tiàm-á-kháu ê tshing-tshun kua 故事唱袂煞 kòo-sū tshiùnn bē-suah 來來去去的老戲班 lâi-lâi-khì-khì ê lāu hì-pan 故事紲落去寫 kòo-sū suà lo̍h-khì siá 店仔口的青春歌 tiàm-á-kháu ê tshing-tshun kua 歲月相替換 suè-gua̍t sio-thè-uānn 較早你安搭阮佇臺跤 khah-tsá lí an-tah gún tī tâi-kha 這馬換阮唱予你聽 tsit-má uānn gún tshiùnn hōo lí thiann
這條歌 tsit tiâu kua 我為你唸到遮 guá uī lí liām kàu tsia 無棄嫌 bô khì-hiâm 就拍噗仔 tiō phah-pho̍k-á
- 感謝 小豬綠茶 提供歌詞
- 感謝 W.B. Chen 修正歌詞
- 友站連結: W.B. Chen
|