- 歌詞
- 專輯列表
王昭華
-
阿爸彼兩甲地
作詞:王昭華 作曲:王昭華 編曲:楊邦昊
日子一年一年咧過 阿爸已經六十歲 逐工猶原落田做工課 厝內擱有兩甲地 兩甲下堀的溪埔地 一直攏是種稻仔 種稻仔實在有夠厚工 賺的無夠塞嘴孔
日子一年一年咧過 後生查某囡出社會 隨人踮佇都市做工課 拼甲欲死無厝地 兩甲下堀的溪埔地 加減會當種稻仔 種稻仔實在無采工 賺的無夠塞嘴孔 阿爸彼兩甲地 阿兄講伊無愛做 彼兩甲溪埔地 啊是會當賺偌濟
從我細漢 一直到旦 稻仔價數無啥差 雖然糧價就愛穩定 做穡敢講免生活 物資一工起過一工 寶島敢擱會當住人 阿爸彼兩甲地 莫怪阿兄無愛做 彼兩甲溪埔地 啊是(做死)會當賺偌濟
日子一年一年咧過 阿爸已經六十歲 逐工猶原落田做工課 厝內擱有兩甲地 後生查某囡已經出社會 拼甲欲死無厝地 種稻仔吃頭路煞攏仝款 賺無金牛塞嘴孔 從我細漢......
-------------------------------------------
作詞:王昭華 作曲:王昭華 編曲:楊邦昊
《阿爸彼兩甲地》A-pa Hit Nn̄g-kah Tē 王昭華 Ông Tsiau-huâ
日子一年一年咧過 ji̍t-tsí tsi̍t-nî tsi̍t-nî teh kuè 阿爸已經六十歲 a-pah í-king la̍k-tsa̍p huè 逐工猶原落田做工課 ta̍k-kang iu-guân lo̍h-tshân tsò khang-khuè 厝內閣有兩甲地 tshù-lāi koh ū nn̄g-kah tē 兩甲下窟的溪埔地 nn̄g-kah ē-khut ê khe-poo-tē 一直攏是種稻仔 it-ti̍t lóng-sī tsìng tiū-á 種稻仔 tsìng tiū-á 實在有夠厚工 si̍t-tsāi ū-kàu kāu-kang 趁的 thàn--ê 無夠窒喙空 bô-kàu that-tshuì-khang
日子一年一年咧過 ji̍t-tsí tsi̍t-nî tsi̍t-nî teh kuè 後生查某囝出社會 hāu-sinn tsa-bóo-kiánn tshut-siā-huē 隨人踮佇都市做工課 suî lâng tiàm tī too-tshī tsò khang-khuè 拚甲欲死無厝地 piànn kah beh-sí bô tshù-tē 兩甲下窟的溪埔地 nn̄g-kah ē-khut ê khe-poo tē 加減會當種稻仔 ke-kiám ē-tàng tsìng tiū-á 種稻仔 tsìng tiū-á 實在無彩工 si̍t-tsāi bô-tshái-kang 趁的 thàn--ê 無夠窒喙空 bô-kàu that-tshuì-khang
阿爸彼兩甲地 a-pah hit nn̄g-kah tē 阿兄講伊無愛做 a-hiann kóng i bô-ài tsuè 彼兩甲溪埔地 hit nn̄g-kah khe-poo-tē 啊是會當趁偌濟 ah sī ē-tàng thàn guā-tsē
從我細漢 tsîng guá sè-hàn 一直到今 it-ti̍t kàu-tann 更多更詳盡歌詞 在 ※ Mojim.com 魔鏡歌詞網 稻仔價數無啥差 tiū-á kè-siàu bô siánn tsha 雖然糧價攏愛穩定 sui-jiân niû-kè lóng ài ún-tiānn 作穡敢講免生活 tsoh-sit kám-kóng bián sing-ua̍h 物資一工起過一工 bu̍t-tsu tsi̍t-kang khí kuè tsi̍t-kang 寶島敢閣會當蹛人 pó-tó kám koh ē-tàng tuà-lâng 阿爸彼兩甲地 a-pah hit nn̄g-kah tē 莫怪阿兄無愛做 bo̍k-kuài a-hiann bô-ài tsuè 彼兩甲溪埔地 hit nn̄g-kah khe-poo tē 啊是會當趁偌濟 ah sī ē-tàng thàn guā-tsē
日子一年一年咧過 ji̍t-tsí tsi̍t-nî tsi̍t-nî teh kuè 阿爸已經六十歲 a-pah í-king la̍k-tsa̍p huè 逐工猶原落田做工課 ta̍k-kang iu-guân lo̍h-tshân tsò khang-khuè 厝內閣有兩甲地 tshù-lāi koh ū nn̄g-kah tē 後生查某囝 hāu-sinn tsa-bóo-kiánn 已經出社會 í-king tshut-siā-huē 拚甲欲死無厝地 piànn kah beh-sí bô tshù-tē 種稻仔食頭路 tsióng tiū-á tsia̍h-thâu-lōo 煞攏仝款 suah lóng kāng-khuán 趁無金牛窒喙空 thàn bô kim-gû that-tshuì-khang
從我細漢 tsîng guá sè-hàn 一直到今 it-ti̍t kàu-tann 稻仔價數無啥差 tiū-á kè-siàu bô siánn tsha 雖然糧價攏愛穩定 sui-jiân niû-kè lóng ài ún-tiānn 作穡敢講免生活 tsoh-sit kám-kóng bián sing-ua̍h 物資一工起過一工 bu̍t-tsu tsi̍t-kang khí kuè tsi̍t-kang 寶島敢閣會當蹛人 pó-tó kám koh ē-tàng tuà-lâng 阿爸彼兩甲地 a-pah hit nn̄g-kah tē 阿兄講伊無愛做 a-hiann kóng i bô-ài tsuè 彼兩甲溪埔地 hit nn̄g-kah khe-poo-tē 啊是會當趁偌濟 ah sī ē-tàng thàn guā-tsē
從我細漢 tsîng guá sè-hàn 一直到今 it-ti̍t kàu-tann 稻仔價數無啥差 tiū-á kè-siàu bô siánn tsha 雖然糧價攏愛穩定 sui-jiân niû-kè lóng ài ún-tiānn 作穡敢講免生活 tsoh-sit kám-kóng bián sing-ua̍h 物資一工起過一工 bu̍t-tsu tsi̍t-kang khí kuè tsi̍t-kang 寶島敢閣會當蹛人 pó-tó kám koh ē-tàng tuà-lâng 阿爸彼兩甲地 a-pah hit nn̄g-kah tē 莫怪阿兄無愛做 bo̍k-kuài a-hiann bô-ài tsuè 彼兩甲溪埔地 hit nn̄g-kah khe-poo tē 啊是會當趁偌濟 ah sī ē-tàng thàn guā-tsē
阿爸彼兩甲地 a-pah hit nn̄g-kah tē 莫怪阿兄無愛做 bo̍k-kuài a-hiann bô-ài tsuè 彼兩甲溪埔地 hit nn̄g-kah khe-poo tē 做死會當趁偌濟 tsò sí ē-tàng thàn guā-tsē
- 感謝 W.B. Chen 修正歌詞
- 友站連結: W.B. Chen
|