- 专辑介绍
- 歌词
- 专辑列表
- 歌手介绍
拍谢少年乐团
-
朋友啊
作词:拍谢少年 作曲:拍谢少年
青春少年时 揣无未来的志向 越头轻松看 也是滋味啊 条直的男儿 生活过甲袂四序 日子随风吹 过去了后 你讲
(口白) 我讲 朋友啊 你敢阁会记得 细汉时 阮来到彼个𨑨迌歇昼的所在 日头光青青 知了的声吼枷枷 你讲想欲离开厝内 去走揣一个美丽的未来 茫茫渺渺无声无说的青春啊 我的心内不时想着你的话 伫咧秋冬交接的当时 伫咧风雨歇停的暗瞑 毋知你这马过了敢有快活 日子敢有顺遂 茫茫的人生啊 咱顺风就好驶船
毋通将过去来当做是遗憾 失败嘛毋惊 袂记得啊 想空想缝嘛著爱去承担 风雨哪有啥 咱的咒誓 亲像共理想来贴入心肝 这款的心情 咱的靠岸 毋管是啥人拢讲袂伸捙 坚持每一工 男子汉啊
行过春夏秋冬 我心头犹原是袂轻松 揣著家己了后 将过去以后来轻松看
你讲 朋友啊 咱就啉了这杯酒 提起咱的行李 阁有别条路爱行
讲 朋友啊 咱就啉了这杯酒 提起咱的行李 阁有别条路爱行
------------------------------------------
14151/《朋友啊》Pîng-iú--ah 拍谢少年(歹势少年乐团Pháinn-sè Siàu-liân Ga̍k-thuân)
青春少年时 tshing-tshun siàu-liân-sî 揣无未来的志向 tshuē-bô bī-lâi ê tsì-hiòng 越头轻松看 ua̍t-thâu khin-sang khuànn 也是滋味啊 iā-sī tsu-bī--ah 条直的男儿 tiâu-ti̍t ê lâm-jî 生活过甲袂四序 sing-ua̍h kuè kah buē sù-sī 日子随风吹 ji̍t-tsí suî hong tshue 过去了后 kuè-khì liáu-āu
你讲 lí kóng ↓↓(口白)---(口白)---(口白)↓↓ 我讲 guá kóng 朋友啊 pîng-iú--ah 你敢阁会记得 lí kám koh ē-kì-tit 细汉时 sè-hàn sî 阮来到彼个 gún lâi-kàu hit ê 𨑨迌歇昼的所在 tshit-thô hioh-tàu ê sóo-tsāi 日头光青青 ji̍t-thâu kng tshinn-tshinn 𧌄蜅蛴的声吼枷枷 am-poo-tsê ê siann háu kê-kê 你讲想欲离开厝内 lí kóng siūnn-beh lī-khui tshù-lāi 去走揣一个美丽的未来 khì tsáu-tshuē tsi̍t-ê bí-lē ê bī-lâi 茫茫渺渺 bông-bông biáu-biáu 更多更详尽歌词 在 ※ Mojim.com 魔镜歌词网 无声无说的青春啊 bô-siann-bô-sueh ê tshing-tshun--ah 我的心内 guá ê sim-lāi 不时想着你的话 put-sî siūnn-tio̍h lí ê uē 伫咧秋冬交接的当时 tī-leh tshiu-tang kau-tsiap ê tong-sî 伫咧风雨歇停的暗暝 tī-leh hong-hōo hioh-thîng ê àm-mî 毋知你这马 m̄-tsai lí tsit-má 过了敢有快活 kuè-liáu kám ū khuìnn-ua̍h 日子敢有顺遂 ji̍t-tsí kám ū sūn-suī 茫茫的人生啊 bâng-bâng ê jîn-sing--ah 咱顺风就好驶船 lán sūn-hong tiō hó sái-tsûn ↑↑(口白)---(口白)---(口白)↑↑
毋通将过去 m̄-thang tsiong kuè-khì 来当做是遗憾 lâi tòng-tsò sī uî-hām 失败嘛毋惊 sit-pāi mā m̄-kiann 袂记得矣 bē-kì-tit--ah 想空想缝 siūnn-khang-siūnn-phāng 嘛著爱去承担 mā tio̍h-ài khì sîng-tann 风雨哪有啥 hong-hōo ná-ū siánn 咱的咒誓 lán ê tsiù-tsuā
亲像共理想 tshin-tshiūnn kā lí-sióng 来贴入心肝 lâi tah ji̍p sim-kuann 这款的心情 tsit khuán ê sim-tsiânn 咱的靠岸 lán ê khò-huānn 毋管是啥人 m̄-kuán sī siánn-lâng 拢讲袂伸捙 lóng kóng buē tshun-tshia 坚持每一工 kian-tshî muí tsi̍t-kang 男子汉啊 lâm-tsú-hàn--ah
行过春夏秋冬 kiânn kuè tshun-hā tshiu-tang 我心头 guá sim-thâu 犹原是袂轻松 iu-guân sī buē khin-sang 揣著家己了后 tshuē-tio̍h ka-kī liáu-āu 将过去以后 tsiong kuè-khì í-āu 来轻松看 lâi khin-sang khuànn
你讲 lí kóng 朋友啊 pîng-iú--ah 咱著啉了这杯酒 lán tio̍h lim liáu tsit pue tsiú 提起咱的行李 the̍h-khí lán ê hîng-lí 阁有别条路爱行 koh ū pa̍t tiâu lōo ài kiânn
你讲 lí kóng 朋友啊 pîng-iú--ah 咱著啉了这杯酒 lán tio̍h lim liáu tsit pue tsiú 提起咱的行李 the̍h-khí lán ê hîng-lí 阁有别条路爱行 koh ū pa̍t tiâu lōo ài kiânn
- 感谢 W.B. Chen 修正歌词
- 友站连结: W.B. Chen
|