- 专辑介绍
- 歌词
- 专辑列表
打狗乱歌团
-
馨满义竹(乡亲传唱版)
作词:严咏能 作曲:严咏能 编曲:赵家驹
一阵一阵ㄟ甘蔗香 吹入来老车站 月台看没你一人 心头柔柔也重 我知影乡亲真不甘 不甘将 伊来放 异乡走唱ㄟ少年郎 将故事 搁率入站
火车火车头犁犁 酷酷嗽过八掌溪 女儿欲嫁不过溪 财产不留外家
一笼一笼ㄟ鱼跟虾 鲜鲜欲见天地 学生囝仔困没饱 书包抓着跳上车 阿母有甲带便当 乎出外囝仔有力量 五分车款款也驶 幸福随这来起蹦
心满意足 馨满义竹 载着归车ㄟ老感情 感谢一路有你来牵成 心满意足 馨满义竹 小汉时辰彼班老火车 现在要驶返头 搁欲陪咱到老
一阵一阵ㄟ甘蔗香 吹入来老车站 月台今仔拢是人 牵手散步来开讲 我看着乡亲全振动 为著咱故乡ㄟ梦 异乡走唱ㄟ少年郎 愈唱愈轻松
------------------------------------------
12797/《馨满义竹》Hing Buán Gī-tik 严咏能Giâm Īng-lîng
一阵一阵仔的甘蔗芳 tsi̍t-tsūn-tsi̍t-tsūn-á ê kam-tsià phang 吹入来老车站 tshue ji̍p-lâi lāu tshia-tsām
月台看无你一人 gua̍t-tâi khuànn-bô lí tsi̍t-lâng 心头聊聊仔重 sim-thâu liâu-liâu-á tāng 阮知影乡亲真毋甘 gún tsai-iánn hiong-tshin tsin m̄-kam 毋甘将伊来放 m̄-kam tsiong i lâi pàng 异乡走唱的少年人 ī-hiong tsáu-tshiò ê siàu-liân-lâng 将故事阁𤆬入站 tsiong kòo-sū koh tshuā ji̍p tsām
火车火车头犁犁 hué-tshia hué-tshia thâu lê-lê 呿呿嗽过八掌溪 khuh-khuh-sàu kuè Pat-tsiáng-khe 查某囝欲嫁无过溪 tsa-bóo-kiánn beh kè bô kuè-khe 财产无留外家 tsâi-sán bô lâu guā-ke
一笼一笼的鱼佮虾 tsi̍t-láng tsi̍t-láng ê hî kah hê 鲜鲜欲见天地 tshinn-tshinn beh kìnn thinn-tē 学生囡仔困未饱 ha̍k-sing-gín-á khùn buē pá 书包捎咧跳上车 更多更详尽歌词 在 ※ Mojim.com 魔镜歌词网 tsu-pau sa--leh thiàu tsiūnn-tshia 阿母有共扎便当 a-bú ū kā tsah piān-tong 予出外囡仔有力量 hōo tshut-guā gín-á ū li̍k-liōng 五分仔车宽宽仔驶 gōo-hun-á-tshia khuann-khuann-á sái 幸福对遮来起磅 hīng-hok tuì tsia lâi khí-pōng
心满意足 sim buán ì tsiok 馨满义竹 hing buán Gī-tik 载着规车的老感情 tsài tio̍h kui tshia ê lāu kám-tsîng 感谢一路有你来牵成 kám-siā tsi̍t-lōo ū lí lâi khan-sîng 心满意足 sim buán ì tsiok 馨满义竹 hing buán Gī-tik 细汉时阵 sè-hàn sî-tsūn 彼帮老火车 hit pang lāu hué-tshia 这马欲驶翻头 tsit-má beh sái huan-thâu 阁欲陪咱到老 koh beh puê lán kàu lāu
一阵一阵的甘蔗芳 tsi̍t-tsūn-tsi̍t-tsūn ê kam-tsià phang 吹入来老车站 tshue ji̍p-lâi lāu tshia-tsām 月台这马拢是人 gua̍t-tâi tsit-má lóng-sī lâng 牵手散步来开讲 khan-tshiú sàn-pōo lâi khai-káng 阮看着乡亲齐振动 gún khuànn-tio̍h hiong-tshin tsiâu tín-tāng 为著咱故乡的梦 uī-tio̍h lán kòo-hiong ê bāng 异乡走唱的少年人 ī-hiong tsáu-tshiò ê siàu-liân-lâng 那唱那轻松 ná tshiò ná khin-sang
心满意足 sim buán ì tsiok 馨满义竹 hing buán Gī-tik 载着规车的老感情 tsài tio̍h kui tshia ê lāu kám-tsîng 感谢一路有你来牵成 kám-siā tsi̍t-lōo ū lí lâi khan-sîng 心满意足 sim buán ì tsiok 馨满义竹 hing buán Gī-tik 细汉时阵 sè-hàn sî-tsūn 彼帮老火车 hit pang lāu hué-tshia 这马欲驶翻头 tsit-má beh sái huan-thâu 阁欲陪咱到老 koh beh puê lán kàu lāu
- 感谢 W.B. Chen 修正歌词
- 友站连结: W.B. Chen
|