- 歌词
- 专辑列表
胡美红
-
酒女梦
目屎滴落胸前 怨叹薄情 将阮十八的花蕊 采了放阮离去 无义的男儿 亲像采花野蜂 虽然心内悲哀 不敢给人知
静静五更思君 薄情害人 放阮做着酒家女 有话无递讲起 只有是烟酒 人客做阮伴侣 手捧杯敬人客 与伊饮一杯
无疑今日变成 可怜酒花 终生苦海的生活 未得见着光明 心中的苦叹 谁人替阮排解 心事若要讲起 目屎点点滴
-------------------------------------------
《酒女梦》Tsiú-lú Bāng 胡美红 Oô Bí-hông
目屎滴落胸前 ba̍k-sái tih lo̍h hing-tsîng 怨叹薄情 uàn-thàn po̍k-tsîng 将阮十八的花蕊 tsiong gún tsa̍p-pueh ê hue-luí 采了放阮离去 tshái liáu pàng gún lī khì 无义的男儿 bô gī ê lâm-jî 亲像采花野蜂 tshin-tshiūnn tshái-hue iá-phang ↓↓(口白)---(口白)---(口白)↓↓ 男) 喂 查某 ueh! tsa-bóo! 你是无欢喜 是毋 lí sī bô huann-hí, sī--m̄? 叫你陪酒 面忧忧 啥物意思 kiò lí puê-tsiú, bīn iu-iu, siánn-mih ì-sù? 女) 无啦 无啦 bô--lah! bô--lah! 失礼乎 失礼乎 sit-lé--honnh, sit-lé--honnh 人客倌 失礼乎 lâng-kheh-kuann, sit-lé--honnh ↑↑(口白)---(口白)---(口白)↑↑ 虽然心内悲哀 sui-jiân sim-lāi pi-ai 毋敢予人知 m̄-kánn hōo-lâng tsai
↓↓(口白)---(口白)---(口白)↓↓ 自从我保持十八年 tsū-tsiông guá pó-tshî tsa̍p-peh nî 宝贵的青春 pó-kuì ê tshing-tshun 为了一时感情的冲动 uī liáu tsi̍t-sî kám-tsîng ê tshiong-tōng 煞来被一个男性 suah lâi pī tsi̍t-ê lâm-sìng 骗去着我的身躯 phiàn-khì tio̍h guá ê sin-khu 当当达着目的了后 tng-tong ta̍t tio̍h bo̍k-ti̍k liáu-āu 伊就绝情绝义 i tsiū tsua̍t-tsîng tsua̍t gī 放捒我做伊去 pàng-sak guá tsò i khì 我的前途我的一切 guá ê tsiân-tôo, guá ê it-tshè 好亲像变成一只的燕鸟 hó-tshin-tshiūnn piàn-sîng tsi̍t-tsiah ê iàn-tsiáu 坠落海上 tuī-lo̍h hái-siōng 随着波浪 suî tio̍h pho-lōng 溢来溢去四漂乱流 ik lâi ik khì, sù-phiau luān-lâu 更多更详尽歌词 在 ※ Mojim.com 魔镜歌词网 我现在的生活 guá hiān-tsāi ê sing-ua̍h 变成日黄昏电火若光 piàn-sîng ji̍t hông-hun tiān-hué nā kng 著来提酒矸仔伴人客 tio̍h lâi the̍h tsiú-kan-á phuānn lâng-kheh 靠酒食酒而已 khò tsiú, tsia̍h tsiú jî í 我的身躯 guá ê sin-khu 好亲像社会的社交礼物 hó-tshin-tshiūnn siā-huē ê siā-kau lé-bu̍t 查埔人的𨑨迌物 tsa-poo-lâng ê tshit-thô-mi̍h 公卖局的薰草枝 Kong-bē-kio̍k ê hun-tsháu-ki 欶完就抛弃 suh uân tsiū phau-khì 啊 我的人生我的命运 ah! guá ê jîn-sing, guá ê miā-ūn 哪会遮尔乌暗咧 ná ē tsiah-nī oo-àm--teh ↑↑(口白)---(口白)---(口白)↑↑
静静五更思君 tsīng-tsīng gōo-kinn su kun 薄情害人 po̍k-tsîng hāi lâng 放阮做着酒家女 pàng gún tsuè tio̍h tsiú-ka-lí 有话无地讲起 ū uē bô-tè kóng-khí 只有是薰酒 tsí-ū sī hun-tsiú 人客做阮伴侣 lâng-kheh tsuè gún phuānn-lī ↓↓(口白)---(口白)---(口白)↓↓ 男) 喂 查某 来来来 ueh! tsa-bóo! lâi lâi lâi 咱来干一杯 好毋 lán lâi kan--tsi̍t-pue, hó--m̄? 女) 好好 多谢多谢 hó! hó! to-siā! to-siā! 我嘛敬你一杯 guá mā kìng lí tsi̍t-pue ↑↑(口白)---(口白)---(口白)↑↑ 手捀杯敬人客 tshiú phâng pue kìng lâng-kheh 佮伊啉一杯 kah i lim tsi̍t-pue
无疑今仔日变成 bô-gî kia̋nn-ji̍t piàn-sîng 可怜酒花 khó-lîn tsiú-hue 终生苦海的生活 tsiong-sing khóo-hái ê sing-ua̍h 袂得见着光明 buē-tit kìnn-tio̍h kong-bîng 心中的苦痛 sim-tiong ê khóo-thàng 啥人替阮办安 siánn-lâng thuè gún pān-an ↓↓(口白)---(口白)---(口白)↓↓ 男) 小姐 你是有心事 是毋 sió-tsiá, lí sī ū sim-sū, sī--m̄? 讲出来 我替你排解 好毋 kóng-tshut-lâi, guá thè lí pâi-kái, hó--m̄? 女) 无无 无啥物心事 bô! bô! bô sím-mih sim-sū 来 咱来啉酒 lâi, lán lâi lim-tsiú ↑↑(口白)---(口白)---(口白)↑↑ 心事若欲讲起 sim-sū nā bueh kóng-khí 目屎点点滴 ba̍k-sái tiám-tiám tih
- 感谢 W.B. Chen 修正歌词
- 友站连结: W.B. Chen
|