- 歌词
- 专辑列表
- 歌手介绍
郑进一
-
贼仔的心声
女声-满书雯 原曲:流浪到淡水
(一) 有结无绿大家关做伙 心内一句话 真衰啦 真衰啦
三更半瞑揣著家西一卡大布袋 大楼人家店号一直找 做着贼仔打拼赚钱已经彼多年 才知影警察是第一辛苦的人 虽然有时无闲归暗 锵拢无半项 怨叹世事抹冻照希望 想起故乡心爱的人鼓励甲疼痛 只希望苍天照顾作锵仔的人 阮不是喜爱虚哗 阮只是会开搁贫段 赚啊抹好额 风雨嘛著行 电视冰箱卡重也著搬 踩着月色爬起爬落 不敢出差错 尽量不通吵着人的眠 现在的人愈来愈暗困 这途饭愈食愈心酸 有绿无缘大家关做伙 心内有一句话 真衰啦 真衰啦[口白] (二) 阮不是怨叹运命 阮祇是让人打拼 锵那秣好额 风雨也得行 满腹心事委曲啥知影 脚步轻轻爬起爬落 黑衫甲黑裤 尚惊堵著半暝啊起来放尿 有钱的人愈来煞愈少 担误著咱幸福的前途 有绿无缘大家关做伙 心内有一句话 真衰啦 真衰啦
------------------------------------------
《贼仔的心声》Tsha̍t-á ê Sim-siann 郑进一 Tēnn Tsìn-it 贺一航 Hō It-hâng
有缘无缘 ū-iân bô-iân 逐家关做伙 ta̍k-ke kuainn tsuè-hué 心内有一句话 sim-lāi ū tsi̍t-kù uē 诚衰啦 tsiânn sue--lah 诚衰啦 tsiânn sue--lah
三更半暝 sann-kinn-puànn-mî 攒著家私 tshuân tio̍h ke-si 一跤大布袋 tsi̍t-kha tuā pòo-tē 大楼人家店号一直揣 tuā-lâu jîn-ke tiàm-hō it-ti̍t tshuē 做着贼仔拍拼趁钱 tsuè tio̍h tsha̍t-á phah-piànn thàn-tsînn 已经遮济年 í-king tsiah tsuē nî 才知影警察 tsiah tsai-iánn kíng-tshat 是第一辛苦的人 sī tē-it sin-khóo ê lâng
虽然有时无闲规暗 sui-jiân ū sî bô-îng kui àm 勍拢无半项 khiang lóng bô-puànn-hāng 怨叹世事袂当照希望 uàn-thàn sè-sū bē-tàng tsiàu hi-bāng 想起故乡心爱的人 siūnn-khí kòo-hiong sim-ài ê lâng 鼓励佮疼痛 kóo-lē kah thiànn-thàng 只希望苍天 tsí hi-bāng tshong-thian 照顾做勍仔的人 tsiàu-kòo tsuè khiang-á ê lâng
阮毋是喜爱虚华 gún m̄-sī hí-ài hi-hua 阮只是𠢕开阁贫惰 gún tsí-sī gâu khai koh pîn-tuānn 趁也袂好额 thàn ā bē hó-gia̍h 风雨嘛著行 hong-hōo mā tio̍h kiânn 电视冰箱 tiān-sī ping-siunn 较重也著搬 khah tāng iā tio̍h puann
踏着月色 ta̍h-tio̍h ge̍h-sik peh起peh落 peh khí peh lo̍h 毋敢出差错 m̄-kánn tshut-tsha-tshò 尽量毋通吵着人的眠 tsīn-liōng m̄-thang tshá tio̍h lâng ê bîn 现在的人 hiān-tsāi ê lâng 愈来愈暗困 jú lâi jú àm-khùn 这途饭 tsit tôo pn̄g 愈食愈心酸 jú tsia̍h jú sim-sng
有缘无缘 ū-iân bô-iân 逐家关做伙 ta̍k-ke kuainn tsò-hué 心内有一句话 sim-lāi ū tsi̍t-kù uē 诚衰啦 tsiânn sue--lah 诚衰啦 tsiânn sue--lah
. ↓↓(口白)---(口白)---(口白)↓↓
郑) 唉!讲著现代人乎 Haih! kóng-tio̍h hiān-tāi lâng--honnh, 一点仔人情味都无啦 tsi̍t-tiám-á jîn-tsîng-bī to bô--lah. 彼拢都知影 He lóng to tsai-iánn 咱做贼仔已经诚辛苦 lán tsò tsha̍t-á í-king tsiânn sin-khóo, 三更半暝出门 sann-kenn-puànn-mê tshut-mn̂g; 曷袂晓讲 a̍h bē-hiáu kóng, 咱欲勍的时阵乎 lán beh khiang ê sî-tsūn--honnh, 加减煮两碗仔点心 ke-kiám tsú nn̄g-uánn-á tiám-sim 等咱食 tán lán tsia̍h
也毋是讲按呢讲尔 Ā m̄-sī kóng án-ne kóng--niâ, 彼门乎 he mn̂g--honnh, 啊创甲三四个门锁啦 ah tshòng kah sann-sì ê mn̂g-só--lah; 曷无想讲 a̍h bô siūnn-kóng, 咱做贼仔是咧创啥的 lán tsò tsha̍t-á sī leh tshòng-siánn--ê
更多更详尽歌词 在 ※ Mojim.com 魔镜歌词网 我专门研究这科的呢 Guá tsuan-bûn gián-kiù tsit kho--ê-neh. 莫讲三四个锁 Mài-kóng sann-sì ê só, 十外个 tsa̍p guā ê, 恁爸嘛成做开入去 lín-pē mā tsiânn-tsò khui ji̍p-khì 莫讲开袂入去 mài-kóng khui bē ji̍p-khì 我无嘛蹔就蹔开 guá bô mā tsàm tō tsàm khui
蹔袂入去 Tsàm bē ji̍p-khì, 我无嘛... guá bô mā... 真正... Tsin-tsiànn...
贺) 欸!少年的 Eh! siàu-liân--ê,
郑) 按怎? Án-nuá? 太可恶呢! Thài khó-ònn--neh!
贺) 免炸! Bián tsuànn! 免炸! Bián tsuànn!
郑) 按怎讲? Án-nuá kóng?
贺) 若欲讲衰啊 Nā beh kóng sue--ah, 恁爸上衰啦! lín-pē siāng sue--lah!
郑) 讲来鼻芳一个喔 Kóng lâi phīnn-phang tsi̍t-ê--ooh.
贺) 我去共人偷提物件 Guá khì kâng thau-the̍h mi̍h-kiānn. 结果呢 Kiat-kó--neh, 金库拍开 kim-khòo phah khui 内面 lāi-bīn,
郑) 按怎? Án-nuá?
贺) 乎!拢总一千的 Honnh! lóng-tsóng tsi̍t-tshing--ê.
郑) 哎哟!恭喜! Aih-iooh! Kiong-hí!
贺) 𢯾一堆转去到厝了后呢 Mooh tsi̍t-tui tńg-khì kàu tshù liáu-āu--neh,
郑) 按怎? Án-ná?
贺) 提出来开 the̍h tshut-lâi khai 才知影讲 tsiah tsai-iánn kóng 是假的 sī ké--ê
郑) 唅!勍著假的喔! Hannh! Khiang tio̍h ké--ê-ooh! 这个人嘛无意思啦! Tsit ê lâng mā bô ì-sù--lah! 讲囥假的踮厝啦 Kóng khǹg ké--ê tàm tshù--lah
贺) 我毋知影讲 Guá m̄ tsai-iánn kóng 这马的人厝里下假钱啦! tsit-má ê lâng tshù-lìn hē ké-tsînn--lah!
郑) 哎哟,这嘛无意思 aih-iooh, tse mā bô ì-sù! 曷无讲咱做贼仔的... a̍h bô kóng lán tsò tsha̍t-á--ê... 假若咱... Ká-ná lán... 欸,做贼仔著阁兼会晓鉴定 eh, tsò tsha̍t-á to̍h koh kiam ē-hiáu kàm-tīng 按呢咱都... án-ne lán to... 做...做警察就好矣咧 tsò... tsò kíng-tshat tō hó--ah-leh ↑↑(口白)---(口白)---(口白)↑↑ .
阮毋是怨叹运命 gún m̄-sī uàn-thàn ūn-miā 阮只是让人拍拼 gún tsí-sī niū lâng phah-piànn 俭若袂好额 khiām nā bē hó-gia̍h 风雨也著行 hong-hōo iā tio̍h kiânn 满腹心事 muá-pak sim-sū 委屈谁知影 uí-khut siáng tsai-iánn
跤步轻轻起落 kha-pōo khin-khin peh khí peh lo̍h 乌衫佮乌裤 oo-sann kah oo-khòo 上惊拄著 siōng kiann tú-tio̍h 半暝仔起来放尿 puànn-mê-á khí-lâi pàng-jiō 有钱的人 ū-tsînn ê lâng 愈来煞愈少 jú lâi suah jú tsió 耽误著咱幸福的前途 tam-gōo tio̍h lán hīng-hok ê tsiân-tôo
有缘无缘 ū-iân bô-iân 逐家关做伙 ta̍k-ke kuainn tsuè-hué 心内有一句话 sim-lāi ū tsi̍t-kù uē 诚衰啦 tsiânn sue--lah 诚衰啦 tsiânn sue--lah
- 感谢 路人 不杀无名 W.B. Chen 修正歌词
- 友站连结: W.B. Chen
|